,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

KBC ဥက္ကဋ္ဌဟောင်း Rev. Dr. Hkalam Samson မန္တလေး လေဆိပ်တွင် ဖမ်းဆီး ခေါ်ဆောင်ခံရ

Rev. Dr Hkalam Samson

Rev. Dr Hkalam Samson

ကချင်နှစ်ခြင်းခရစ်ယာန်အဖွဲ့ချုပ် (KBC) ဥက္ကဌဟောင်း၊ လက်ရှိ ကချင်အမျိုးသားအတိုင်ပင်ခံအဖွဲ့ WMR ဥက္ကဋ္ဌ သိက္ခာတော်ရ ဆရာ ဒေါက်တာ Hkalam Sam Son ကို ယနေ့ နံနက် ၉ နာရီဝန်းကျင်တွင် မန္တလေး လေဆိပ်တွင် စစ်ကောင်စီအဖွဲ့ က စစ်ဆေးရန်အတွက် ခေါ်ဆောင်သွားကြောင်း သိရသည်။

Rev. Dr. Hkalam Sam Son အပါအဝင် ၃ ဦးသည် ထိုင်းငံဘန်ကောက်သို့ အလုပ်ကိစ္စတစ်ခုဖြင့်သွားရန် ယမန်နေ့ မြစ်ကြီးနားမှ ထွက်ခွာခဲ့ကြပြီး ယနေ့ နံနက် မန္တလေးလေဆိပ်တွင် ဒေါက်တာ ခလမ်ဆမ်ဆွမ် တစ်ဦးတည်းကိုသာ စစ်ဆေးမေးမြန်ရန် ရှိသည်ဟုဆိုကာ ခေါ်ဆောင်သွားသည်ဟု KBC နှင့် နီးစပ်သူ တာဝန်ရှိသူတစ်ဦး KNG ကို ပြောသည်။

သူ့ကို ခေါ်သွားတာက ၉ နာရီလောက်မှာဟုတ်တယ်။ လေယာဉ်ကွင်း လက်ဖက်ရည်ဆိုင်မှာထိုင်နေတဲ့ အချိန်ခေါ်သွား တာဟုတ်တယ်။ သူနဲ့ ပါသွားတဲ့ ၂ ယောက်က လေယာဉ်စီးသွားပြီ။ ဆရာတစ်ယောက်ကိုပဲ ခေါ်သွားတာ။ ကျန်တာက အသေးစိတ်မသိရသေးဘူး။ စုံစမ်းနေဆဲဖြစ်တယ်ဟု ပြောဆိုသည်။

လက်ရှိ သိက္ခာတော်ရ ဆရာ ဒေါက်တာ ခလမ်ဆမ်ဆွမ်ကို စစ်ကောင်စီ ခေါ်ဆောင်းသွားမှုနှင့်ပတ်သက်ပြီး အသေးစိတ် မသိရသေးသလို မည်သည့်နေရာကို ခေါ်ဆောင်သွားသည်ကိုလည်း မသိရကြောင်း တာဝန်ရှိသူများက ဆိုသည်။

ဆရာတော်သည် ကချင်နှစ်ခြင်းခရစ်ယာန်အဖွဲ့ချုပ် KBC တွင် အတွင်းရေးမှုးအဖြစ် ၈ နှစ်၊ ဥက္ကဋ္ဌအဖြစ် ၄ နှစ် တာဝန်ထမ်းဆောင်ခဲ့သည်။

လွန်ခဲ့သည့် ၂၀၁၉ ခုနှစ် ဇူလိုင်လ ၁၈ ရက်နေ့ အမေရိကန်ပြည်ထောင်စု အိမ်ဖြူတော်တွင် သမ္မတ ဒေါ်နယ်ထရန့်နှင့် တွေ့ဆုံစဉ် မြန်မာပြည်တွင် စစ်တပ်က ခရစ်ယာန်များကို နှိပ်ကွပ်နေကြောင်း၊ ဖက်ဒရယ်ဒီမိုကရေစီအတွက် တိုင်းရင်းသားလက်နက်ကိုင်များက တပ်မတော်ကို တိုက်ခိုက်နေကြောင်း ဖော်ပြခဲ့ပြီးနောက် မကြာခင် ဩဂုတ်လ ၈ ရက်နေ့ တွင် မြောက်ပိုင်းတိုင်းစစ်ဌာနချုပ် မပခ မှ ဒုတိယဗိုလ်မှူးကြီး သန်းထိုက် မှ တရားလိုပြုလုပ်ကာ ရာဇဝတ်ကျင့်ထုံးပုဒ်မ ၂၀၀ အရ မြစ်ကြီးနား မြို့နယ်တရားရုံးတွင် တရားစွဲဆိုခဲ့သည်။ သို့သော်လည်း စက်တင်ဘာလ ၉ ရက်နေ့တွင် အမှုပြန်လည် ရုပ်သိမ်းခဲ့သည်။

Read Previous

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

Read Next

ဖမ်းဆီးသွားသည့် ရွှေကူဒေသခံ ၁၃ ဦးအနက် ၁၃ နှစ်အရွယ် ကလေးတစ်ဦးသာ မိသားစုနှင့် အဆက်သွယ်ရ