,

Breaking News :

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

နာဂတောင်တန်း ကျေးရွာတစ်ခု ရွာလုံးကျွတ်နီးပါး မီးလောင်မှုဖြစ်ပွား

ရွှေဘိုတိုက်ပွဲတွင် ကာကွယ်ရေးတပ်ဖွဲ့ဝင် ၃ ဦးကျဆုံး

ဒီပဲယင်းတွင် တစ်ပတ်အတွင်းကျေးရွာ ၁၀ ရွာမှ နေအိမ်တစ်ထောင်ကျော် မီးရှို့ခံရ

ရွှေကူ ဆင်တပ်ရွာတွင် ဖမ်းဆီးထားသည့် ပြည်သူ ၁၄ ဦးအနက် ဆယ်ကျော်သက်လူငယ်တစ်ဦးကို ကလေးအကျဥ်ထောင်ပို့ရန် စီစဥ်နေ

မိုးညှင်း Silent strike နေ့တွင် အလယ်တန်းကျောင်းအတွင်း ဗုံးပေါက်ကွဲမှုဖြစ်ပွား

စစ်ဘေးရှောင်ကျေးရွာ ၁၂ ရွာမှ ဒေသခံတစ်သောင်းကျော်အတွက် ဆေးဝါးနှင့် စားနပ်ရိက္ခာအရေးပေါ်အကူညီများ လိုအပ်နေ

စစ်တပ်က ရိုက်နှက်ဖမ်းဆီးသွားသည့် ကားသမားတစ်ဦး နှင့် ဆယ်ကျော်သက် လူငယ်တစ်ဦးတို့ဖြင့် အဆက်အသွယ် မရသေး

အာဏာသိမ်းမှု ၂ နှစ်ပြည့် အသံတိတ်သပိတ် ပါဝင်ပေးကြဖို့ ကချင်ပြည်နယ်မှ တော်လှန်ရေးအင်အားစုများ တိုက်တွန်း

ရွှေကူ ဘုမ္မိဇေယျရွှေပေါ်ကျွန်းဘုရားအနီး ရွှေတူးဖော်သည့် စက်လှေများ ထပ်မံရောက်ရှိ

Shwe Gu

ဘုမ္မိဇေယျရွှေပေါ်ကျွန်းဘုရားအနီးတွင် ရွှေတူးဖော်ရန်ရောက်ရှိလာသည့် စက်လှေများ

ကချင်ပြည်နယ် ရွှေကူမြို့၏ အရှေ့ဘက်ခြမ်း သင်္ဘောအင်းအနီးရှိ ဘုမ္မိဇေယျရွှေပေါ်ကျွန်းဘုရားအနီးတွင် ရွှေတူးဖော်ရန် စက်လှေ များထပ်မံရောက်ရှိလာ၍ နေ့ည မနား ရွှေတူးဖော်မှုအများအပြားလုပ်ဆောင်လာကြောင်း ဒေသခံပြည်သူများထံမှသိရသည်။

ဒီဇင်ဘာလ ၂ ရက်နေ့မှ စတင်ကာ ရွှေတူးဖော်သည့် စစ်လှေများ ၁၀ စီးထက်မနည်းရောက်ရှိလာပြီး ရွှေတူးဖော်မှုများ ရှိနေသည်ဟု ရွှေကူမြို့နေ အမျိုးသမီးတစ်ဦးက KNG ကိုပြောသည်။

အရင်တုန်းက လုပ်ခဲ့တဲ့ နေရာဟောင်းမှာ ပြန်လုပ်ဖို့ရောက်လာတာ ဒီတစ်ကြိမ်က သုံးစီးလောက်နဲ့ စတင်ဝင်လာတာ အခုကများလာပြီ တူးတဲ့သူတွေက အောက်ပိုင်းကနေတက်လာတဲ့သူတွေလည်းပါတယ်။ နောက် ဒေသခံတွေလည်းပါတယ်။ နယ်ရာစုံကနေ လာလုပ်နေကြတယ်ဟုပြောဆိုသည်။

လက်ရှိ ရွှေတူးဖော်နေသည့် ဧရာဝတီမြစ်ထဲ၌ ဘုမ္မိဇေယျရွှေပေါ်ကျွန်းဘုရားနှင့် ပေ ၅၀၀ နှင့် ၁၅၀၀ ခန့်အကွာတွင်ရှိပြီး ရွှေတူးဖော်နေသည့်နေရာသည်  ယခင်တစ်ကြိမ်လာရောက်တူးဖော်မှုကြောင့် ဘုမ္မိဇေယျရွှေပေါ်ကျွန်းဘုရားရင်ပြင် ပျက်စီးမှုရှိလာသည့်အတွက် ဒေသခံပြည်သူများနှင့် သံဃာတော်များက မေတ္တာရပ်ခံပြီး ရပ်နားထားသည့်နေရာဖြစ်သည်ဟု ရွှေကူဒေသခံတစ်ဦး KNG ကိုပြောသည်။

စစ်လှေအကြီးကြီးတွေ  စစ်ကြီးတွေနဲ့ လုပ်တော့ ဘုရားရင်ပြင်နဲ့ နီးလို့ ဘုရားရင်ပြင်တောင်အက်ကွဲလာတာ အဲ့တုန်းက အဲ့ကြောင့်သံဃာတော်တွေနဲ့ ဒေသခံတွေ ၂၀၀ လောက်သွားပြီး မလုပ်ကြဖို့ တောင်းပန်ခဲ့ကြတာဟုတ်တယ်။ အဲ့နောက်မှ ထွက်သွားကြတာ အခုပြန်ရောက်လာကြတယ်။ သူတို့ ဒီအတိုင်း ဆက်လုပ်နေမယ်ဆိုရင် ဘုရားက ပျက်စီးလာနိုင်တယ် သူတို့ လုပ်နေတာ ဘုရားဧရိယာထဲမှာကြီးဆိုတော့ သဲတွေဖုံးပြီးပျက်စီးသွားမှာဟုပြောဆိုသည်။

အဆိုပါ ရွှေတူးဖော်သည့် စက်လှေများသည် ၂၀၂၂ခုနှစ် ဇွန်လနောက်ပိုင်းမှစ၍ ဝင်ရောက်တူးဖော်လာခဲ့ကြပြီး ဒေသခံများ၏ ကန့်ကွက်မှုကြောင့် ဩဂုတ်လ လဆန်းပိုင်းအတွင်းမှ ထွက်ခွာသွားကြရာ ယခုတဖန် ပြန်လည်တူးဖော်လာခြင်းဖြစ်ဟု ဒေသခံများပြောသည်။

ဒေသခံများနှင့် သံဃာတော်များသည်လည်း ဘုမ္မိဇေယျဘုရားနယ်မြေအတွင်း ရွှေတူးဖော်ခွင့်မရရှိအောင် ဆက်လက်ကန့်ကွက်သွားမည်ဖြစ်ပြီး ယင်းကျွှန်းပေါ်တွင် စိုက်ခင်းလုပ်ကိုင်နေသည့် ဒေသခံစိုက်ခင်းများ ပျက်စီးမှုများမလိုလားအပ်နေသောကြောင့် ကန့်ကွက်နေကြောင်းဖြစ်သည်ဟု သိရသည်။

ရွှေကူမြို့နယ် ဧရာဝတီမြစ်ကြောင်းတစ်လျှောက်တွင် ၂၀၂၁ခုနှစ် စစ်တပ်ကအာဏာသိမ်းပြီးနောက် လအနည်းငယ်အကြာ တရားမဝင်ရွှေတူးဖော်မှုများ ပိုမိုများပြားလာကြောင်းသိရသည်။

Read Previous

စစ်ကောင်စီ ဝင်ရောက်စီးနင်းထားသည့် မှော်ဘုံတွင် ရွာသားအချို့ပိတ်ဆို့ခံထားရ

Read Next

ဖားကန့် Maden Yang တိုက်ပွဲတွင် စစ်တပ်ဘက်မှ ထိခိုက်မှုနှင့် သေဆုံးမှု ၅၀ ဦး ထက်မနည်းရှိ