,

Breaking News :

မဲဇာရဲစခန်းရှေ့ အမျိုးသားတစ်ဦး ပစ်သတ်ခံရမှုဖြစ်ပွား

ရေဦးတိုက်ပွဲတွင် စစ်ကောင်စီဘက်က ၁၅ ဦး ထိခိုက် သေဆုံးပြီး PDF ဘက်က ၃ ဦးကျဆုံးဟုဆို

ဖားကန့်တွင် လုပ်ကွက်ဟောင်းတွင်းထဲ ပြုတ်ကျသေဆုံးခဲ့သည့် မိသားစု ၃ ဦးအနက် အမျိုးသမီးဖြစ်သူ၏ ရုပ်အလောင်းပြန်တွေ့ရှိ

မြစ်ကြီးနားနဲ့ ဖားကန့် မြို့နေရာတွေမှာ စစ်ကောင်စီ စစ်ဆေးရေးပိုမိုတင်းကြပ်နေသည့်အတွက် သွားလာရေးအခက်တွေ့နေ

စစ်ကိုင်းနှင့် ထိစပ်သည့် KIA တပ်မဟာ ၈ ၊ ၉ ဒေသများတွင် တိုက်ပွဲ ဆက်လက်ပြင်းထန်လာနိုင်

အသည်းနှလုံးတွေကိုဖျက်စီးသွားစေတဲ့အရာ

ပြည်သူ့ စစ်စခန်းသို့ ဝင်ရောက်စီးနင်းချိန် TNLA တပ်ဖွဲ့က ဒေသခံများကို လူသားဒိုင်းအဖြစ် အသုံးပြုခဲ့

ကန့်ဘလူနယ်တွင် ကျေးရွာ ၅ခု မီးရှို့ဖျက်ဆီးခံရကာ ပြည်သူ ၈ ထောင်ကျော် ထွက်ပြေးနေရ

ရွှေကူနယ်တွင် စစ်ကောင်စီတပ် ထိုးစစ်ဆင်နေသဖြင့် တိုက်ပွဲဖြစ်ပွာလာမည်ကို ဒေသခံများစိုးရိမ်

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

ထီးချိုင့်မြို့နယ်တွင် စစ်ကောင်စီတပ် ကျေးရွာများကို မီးရှို့ဖျက်ဆီးနေဆဲ

ထီးချိုင့်

ထီးချိုင့်မြို့နယ်အတွင်း စ်စကောင်စီတပ်အဖွဲ့ မီးရှို့ဖျက်ဆီးလိုက်သည့် ကျေးရွာ လူနေအိမ်များ

ထီးချိုင့်မြို့နယ်တွင် ယခုရက်ပိုင်း တိုက်ပွဲဖြစ်ပွားခြင်းမရှိသော်လည်း စစ်ကောင်စီတပ်သည် ကျေးရွာများကို မီးရှို့နေဆဲဖြစ်သည်ဟု ဒေသကာကွယ်‌ရေးတပ်များထံ မှ သိရသည်။

စစ်ကောင်စီတပ်သည် ထီးချိုင့်မြို့ မြောက်ဘက်နှင့် အနောက်ဘက်ခြမ်းတွင် စစ်အင်အား ၃၅၀ ဝန်းကျင်ဖြင့် စစ်ကြောင်း ၄ခုခွဲကာ ကျေးရွာ‌ ၁၄ ရွာခန့်ကို ဝင်ရောက်မီးရှို့ခဲ့သည်ဟု ဒေသကာကွယ်ရေးတပ်ဖွဲ့ဝင်တစ်ဦးက ဆိုသည်။

လောလောဆယ် စစ်ကြောင်းက အင်အား ၃၀၀ ကျော်ရှိမယ် ၄ နေရာခွဲထားတယ်၊ ၄ ရွာခွဲပြီး ဝင်တဲ့သဘောပေါ့။ ကျနော်တို့ရွာတွေလည်း ရောက်တော့မယ်၊ ဘာတိုက်ပွဲမှ မဖြစ်၊ ခုခံမှုမရှိဘဲ မီးရှို့နေတာ ဒီနေ့ဆို အောင်သာကုန်းနဲ့ ဇီးသောင်ရှို့ခံရတယ်။ မီးရှို့ခံရတာ ၁၄ ရွာရှိပြီ မနေ့ကတော့ လေသာနဲ့အင်းတိန်က မရှို့ရသေးတဲ့အိမ်တွေကို ထပ်ရှို့ခဲ့တယ်ဟု ဒီဇင်ဘာလ ၇ ရက်နေ့တွင် ဒေသကာကွယ်ရေးတပ်ဖွဲ့ဝင်တစ်ဦးက ဆိုသည်။

မီးရှို့ခံထားရသည့် ကျေးရွာများမှာ ဆူးပုတ်ချောင်၊ အင်ကြင်း၊ အင်းတိန်၊ အလယ်တော၊ လေသာ၊ ကျက်သရေချောင်း၊ ငခွတ်ချောင်၊ ပဲခင်း၊ ရွှေချောင်း၊ ဘိုတဲကုန်း၊ ဆားတွင်း၊ အောင်သာကုန်း၊ ဇီးသောင်အရှေ့ကမ်း၊ ဇီးသောင်အနောက်ကမ်း အစရှိသည့် ကျေးရွာများမှ နေအိမ် ၅၀၀ ကျော်ရှိပြီ ဖြစ်သည်။

ယခုလို စစ်ကောင်စီက ထီးချိုင့်မြို့နယ်တွင် စစ်ကြောင်းထိုး ဝင်ရောက်မီးရှို့မှုကြောင့် ကျေးရွာပေါင်း ၂၅ ရွာခန့် မှ ဒေသခံပြည်သူ ၁ သောင်းခွဲခန့် အိုးအိမ်စွန့်ခွာ ထွက်ပြေးနေရသည်ဟု သူက ဆက်ပြောသည်။

ထီးချိုင့်မြို့နယ်တွင် ဒေသခံများ၏ နေအိမ် မီးရှို့နေသည့် စစ်ကောင်စီစစ်ကြောင်းသည် တပ်မ ၈၈ လက်အောက်ခံ ခမရ၄၆၁ ဖြစ်ပြီး ထီးချိုင့်မြို့နယ်သို့ ဝင်ရောက်လာသည့် နိုဝင်ဘာလ ၂၅ရက်နေ့မှ ဒီဇင်ဘာလ ၅ ရက်နေ့အထိ ကချင်လွတ်လပ်ရေးတပ်မတော် KIA PDF၊‌ ဒေသခံကာကွယ်‌‌ရေးတပ်များနှင့် တိုက်ပွဲပြင်းထန်ခဲ့ပြီးနောက် စစ်‌ကောင်စီဘက်က အကျအဆုံး များပြားခဲ့သည်ဟု သိရသည်။

မြန်မာနိုင်ငံတစ်ဝှမ်း အောက်တိုဘာ ၁ ရက်မှ ၃၁ ရက်အတွင်း နေအိမ် အဆောက်အဦး ,၅၁၀ လုံးထက်မနည်း မီးရှို့ဖျက်ဆီးခြင်းခံခဲ့ရသည်။ ထိုအနက် စစ်ကိုင်းတိုင်းတွင် နေအိမ် ,၁၂၄ လုံးထက်မနည်း မီးရှို့ဖျက်ဆီးခံခဲ့ရသည်ဟု မြန်မာ့မဟာဗျူဟာနှင့်မူဝါဒလေ့လာရေး အင်တီကျု(ISP) မြန်မာက ထုတ်ပြန်ခဲ့သည်။

Read Previous

မှော်စီဆာ စစ်ရှောင်စခန်း လူနေအိမ်အချို့ ကို စစ်ကောင်စီ ဝင်စီး အရပ်သား ၂ ဦး ဖမ်းခံရ

Read Next

ပူတာအိုတွင် ဝက်နာကြောင့် ဒေသဝက်သားများ ဝယ်မရသည့်အထိ ရှားပါးနေ