,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

အာဏာသိမ်း စစ်ခေါင်းဆောင် မြစ်ကြီးနား နှင့် ပူတာအိုမြို့တွင် ရောက်ရှိနေ

ဗိုလ်ချုပ်မှူးကြီး မင်းအောင်လှိုင်

အာဏာသိမ်းစစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်

အာဏာသိမ်း စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်သည် ဒီဇင်ဘာလ ၁၃ ရက်နေ့က မြစ်ကြီးနားမြို့သို့ ရောက်ရှိလာပြီး ယနေ့နံနက်ပိုင်းတွင် ပူတာအိုဒေသခံများနှင့် တွေ့ဆုံရန် စီစဉ်ထားကြောင်း သိရသည်။

မြစ်ကြီးနားမြို့တွင် ယမန်နေ့က တွေ့ဆုံမှုများပြုလုပ်ခဲ့ပြီးနောက် ညနေ ၆ နာရီဝန်းကျင်တွင် ပူတာအိုမြို့သို့ ရောက်ရှိခဲ့သည်ဟု ပူတာအိုဒေသခံတစ်ဦး KNG ကို ပြောဆိုသည်။

“အမျိုးသားလေကြောင်းလိုင်းနဲ့ ၆ နာရီလောက်မှာ ပူတာအိုကို ရောက်လာတယ်။ ပူတာအိုက ရိုးရာယဉ်ကျေးမှုအဖွဲ့တွေ အကုန်လုံးကို သွားကြိုခိုင်းလို့ သွားကြိုခဲ့ကြတယ်။ ပူတာအိုကို ဘာလို့ရောက်လာတယ် ဆိုတာက အသေးစိတ် မသိရသေးဘူး။” ဟု ပြောဆိုသည်။

တွေ့ဆုံမှုတွင် ပူတာအိုဒေသခံတစ်ချို့၊ ရိုးရာယဉ်ကျေးမှုအဖွဲ့များ၊ ဘာသာရေးပေါင်းစုံမှ တာဝန်ရှိသူများနှင့် တွေ့ဆုံရန် စီစဉ်ထားသည်ဟုလည်း သိရသည်။

စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်း ပူတာအိုမြို့သို့ ရောက်ရှိလာသည့် ကိစ္စနှင့်ပတ်သက်ပြီး အသေးစိတ် မသိရသေးသော်လည်း ကောင်းမှုလုံ ဘုရားသို့ သွားရောက်ဖို့လည်းရှိကြောင်း စစ်တပ်နှင့် နီးစပ်သူများ ပြောဆိုသည်ဟု အထက်ပါ သတင်းအရင်းအမြစ်က ဆက်ဆိုသည်။

“သူတို့ပြောတာက ဘုရားလာဖူးတယ်လို့ပဲပြောတယ်။ ဒီတစ်ခုထဲအတွက်ပဲ မဖြစ်နိုင်ဘူးလို့ပဲမြင်တယ်။ ပြည်သူတွေကို စည်းရုံးရေး လာလုပ်တာပဲ။ သူတို့ လာတဲ့ပုံစံကလည်း ဘယ်သူ့ကိုမှ အသိမပေးဘူး လုံခြုံရေး စိုးရိမ်လို့ထင်တယ်။ ပြည်သူတွေနဲ့ တွေ့တဲ့အခါမှာပဲ ဘာတွေပြောမလဲဆိုတာ သိရမှာပေါ့” ဟု ပြောဆိုသည်။

ပူတာအိုမြို့တွင် နံနက်ပိုင်း ဒေသခံပြည်သူများနှင့် တွေ့ဆုံမှုပြီးနောက် ညနေပိုင်းတွင် မြစ်ကြီးနားမြို့ဘက်သို့ ပြန်ခေါက်ရန် ရှိကြောင်း သိရသည်။

အာဏာသိမ်းပြီးနောက်ပိုင်း အာဏာသိမ်းစစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်သည် ယခင်ကလည်း ပူတာအိုမြို့သို့ လာရောက်ရန် အကြိမ်ကြိမ် ကြိုးစားခဲ့သော်လည်း ယခုတစ်ခေါက်မှသာ ရုတ်တရက်ရောက်လာခြင်း ဖြစ်သည်ဟု ဒေသခံများ ထံမှ သိရပါသည်။

Read Previous

မိုးမောက် လုံဂျာဘွမ်ဘက်သို့ စစ်ကောင်စီ လက်နက်ကြီးများဖြင့် ပစ်ခတ်

Read Next

IDP ဆိုသည့်အသံ မကြားလိုတော့ကြောင်း ဒုတိယ ဗိုလ်ချူပ်ကြီး ထွန်းထွန်းနောင်က စစ်ရှောင်များကို ပြောဆိုခဲ့