,

Breaking News :

ပူတာအိုတွင် အရေပြားရောဂါတစ်မျိုးကြောင့် နွား ကူးစက်သေဆုံးမှု များလာ

အဝေးပြေး ယာဥ်စီးခနှုန်းထား ကျပ် ၇၀၀၀ ထပ်မံ တိုးမြင့်ကောက်ခံမည်

ရှမ်းမြောက်တွင် ကြက်သွန်ဖြူကုန်တင်ကား တိမ်းမှောက်ပြီး ၁ ဦးသေဆုံး၊ ၁ ဦး ဒဏ်ရာရ

ဗန်းမောက်နယ် ကျောက်အိုင်ကျေးရွာမှ ဒေသခံ ပြည်သူ ၃၀ ကျော် ဖမ်းဆီးခံထားရ

အင်းတော် လူနေအိမ်အလုံး ၁၀၀ ကျော်ကို စစ်ကောင်စီတပ် မွှေနှောက်ဖျက်ဆီးခဲ့

ဖားကန့်မြို့တွင်း နေရာအချို့တွင် ယခုရက်ပိုင်း Mytel အင်တာနက်လိုင်း ပြန်ရနေ

နမ့်တောင်းအနီး စစ်ကောင်စီတပ်နှင့် ကိုးကန့် MNDAA တို့ တိုက်ပွဲဖြစ်ပွားခဲ့

မြစ်ကြီးနားတွင် ဒလန်ဟု ဆိုရသော အမျိုးသားတစ်ဦး ပစ်သတ်ခံရ

ရှဒူးဇွပ် ပြည်သူ့စစ်အဖွဲ့ ထောင်ထားသော မိုင်းနင်းမိသဖြင့် ပြည်သူ ၂ ဦး ဒဏ်ရာရ

သတ်ဖြတ်မှုမကြာခဏ ဖြစ်ပွားနေသော ဖားကန့်ဒေသအကြောင်း လွှတ်တော်ကိုယ်စားလှယ်ဖြင့် မေးမြန်းခြင်း

ကချင်တွင် မေလအတွင်း ကိုဗစ် ကူးစက်သူ မရှိသလောက်နည်းပါးခဲ့ကြောင်း စစ်ကောင်စီ ကျန်းမာရေးဌာန ဖော်ပြထား

မြစ်ကြီးနား ပြည်သူ့ဆေးရုံကြီး

ကချင်ပြည်နယ်တွင် ယခုနှစ် ဇန်နဝါရီလ မှ ဧပြီလအထိ ကိုဗစ်-၁၉ ရောဂါပိုး ကူးစက်ခံရသူ အသင့်သင့်ရှိခဲ့သော်လည်း မေလတွင်မူ ကူးစက်သူ နှင့် သေဆုံးသူ မရှိသလောက်နည်းပါးခဲ့ကြောင်း စစ်ကောင်စီ၏ ကျန်းမာရေးဝန်ကြီးဌာန စာရင်းများအရ လေ့လာတွေ့ရှိရသည်။

ကချင်ပြည်နယ် မြို့နယ်ပေါင်း ၁၈ မြို့နယ်တွင် ဇန်နဝါရီလ မှ ဧပြီလထိ ကိုဗစ်-၁၉ ရောဂါပိုး ကူးစက်သူ စုစုပေါင်း ၆၀၅၇ ဦး နှင့် သေဆုံးသူ ၆ ဦး ထိရှိခဲ့သော်လည်း မေလ တစ်လလုံး၌ ကိုဗစ်-၁၉ ရောဂါပိုး ကူးစက်ခံရသူမှာ မြစ်ကြီးနားမြို့နယ်တွင် ၂ ဦးသာ ထပ်တိုးခဲ့ကြောင်း ဖော်ပြထားသည်။

သို့သော် အဆိုပါစာရင်းများသည် စစ်တပ်အောက် ကျန်းမာရေးဝန်ကြီးဌာန၏ စာရင်းတစ်ခုသာဖြစ်ပြီး လက်ရှိ နိုင်ငံရေးအခြေအနေကြား မြို့နယ်ရပ်ကွက်အတွင်းရှိ လူမှုကူညီရေးအသင်းများ၏ ကိုဗစ်-၁၉ ရောဂါပိုး ကူးစက်ခံရသူနှင့် သေဆုံးသူ စာရင်းများကို ထည့်သွင်းထားခြင်းမရှိကြောင်း သိရသည်။

အဆိုပါ ထုတ်ပြန်ချက်အရ ဇန်နဝါရီလမှ မေလ အထိ မြစ်ကြီးနားမြို့နယ်တွင် ပိုးကူးစက်ခံရသူ (၂၀၁၂) ဦးနှင့် သေဆုံး (၂) ဦး ၊ ဝိုင်းမော်မြို့နယ်တွင် ကူးစက်ခံရသူ (၅၀၀) ဦးနှင့် သေဆုံး (၂) ဦး ၊ ချီဖွေမြို့နယ်တွင် ပိုးတွေ့လူနာ (၁၄၃) ဦး နှင့် သေဆုံး မရှိ ၊ တနိုင်းမြို့နယ်တွင် (၁၅၆) ဦးနှင့် သေဆုံး (၁) ဦး ၊ ဆော့လော်မြို့နယ်တွင် ပိုးတွေ့ (၁၉) ဦးနှင့် သေဆုံးမရှိ စသဖြင့် စုစုပေါင်း ပိုးတွေ့လူနာ (၂၈၂၈) ဦး နှင့် သေဆုံးသူ စုစုပေါင်း (၅) ဦး ရှိခဲ့သည်။

ဗန်မော်ခရိုင်ရှိ ကိုဗစ်ရောဂါဓာတ်ခွဲအတည်ပြုလူနာများမှာ ဗန်မော်မြို့နယ်တွင် (၈၆၆) ဦးနှင့် သေဆုံးမရှိ ၊ မိုးမောက်မြို့နယ်တွင် (၁၇၈) ဦးနှင့် သေဆုံးမရှိ ၊ မံစီမြို့နယ်တွင် (၁၂၄) ဦးနှင့် သေဆုံးမရှိ ၊ ရွှေကူမြို့နယ်တွင် (၁၁၉) ဦးနှင့် သေဆုံးမရှိ စုစုပေါင်း ပိုးတွေ့လူနာ (၁၂၈၇) ဦး ရှိသည်။

မိုးညှင်းခရိုင်ရှိ ကိုဗစ်-၁၉ ရောဂါဓာတ်ခွဲအတည်ပြုလူနာများမှာ မိုးညှင်းမြို့နယ်တွင် (၅၅၄) ဦးနှင့် သေဆုံးမရှိ ၊ မိုးကောင်းမြို့နယ်တွင် (၁၆၁) ဦးနှင့် သေဆုံး (၁) ဦး ၊ ဖားကန့်မြိုနယ်တွင် (၄၃၃) ဦးနှင့် သေဆုံးမရှိ ပိုးတွေ့လူနာ စုစုပေါင်း (၁၁၄၈) ဦးနှင့် သေဆုံးသူ စုစုပေါင်း (၁) ဦး ရှိသည်။

ပူတာအိုခရိုင်ရှိ ကိုဗစ်-၁၉ ရောဂါ ဓာတ်ခွဲအတည်ပြုလူနာများမှာ ပူတာအိုမြို့နယ်တွင် (၅၀၆) ဦးနှင့် သေဆုံးမရှိ ၊ မချမ်းဘောမြို့နယ်တွင် (၁၀၉) ဦးနှင့် သေဆုံးမရှိ ၊ နောင်မွန်းမြို့နယ်တွင် (၇၀) ဦးနှင့် သေဆုံးမရှိ ၊ ခေါင်လန်ဖူးမြို့နယ်တွင် (၁၄) ဦးနှင့် သေဆုံးမရှိ ၊ ဆွမ်ပရာဘွမ်မြို့နယ်တွင် ၉၅ ဦးနှင့် သေဆုံးမရှိ စုစုပေါင်း ရောဂါကူးစက်ခံရသူ (၇၉၄) ဦး ရှိသည်။

မြန်မာနိုင်ငံတွင် SARS-2 Variant Omicron (အိုမီခရွန်) ရောဂါပိုးတွေ့ရှိသူ ဦးရေ စုစုပေါင်း (၃၂၀)ဦးထိ ရှိနေပြီး မတ်လ ၁၅ ရက်နေ့တွင် မြန်မာနိုင်ငံသို့ ပြည်မနိုင်ငံများမှ ကယ်ဆယ်ရေးလေယာဉ် (Relief Flight) များဖြင့် ဝင်ရောက်လာသူများမှ အိုမီခရွန်-Omicron မျိုးခွဲသစ် BA.2 ကူးစက်ခံရသူ (၃၁) ဦး ရှိပြီဖြစ်သည်။

Read Previous

ဆင်ဖြူရှင် တံတား ဂိတ်စခန်းကို PDF ပူးပေါင်းအဖွဲ့တိုက်ခိုက်၊ ရဲနှင့်စစ်သားများ သေဆုံး

Read Next

ခိုမုန်း နမ့်ဖတ်ကာကြား စစ်ကောင်စီ နှင့် KIA တိုက်ပွဲဖြစ်

Leave a Reply

Your email address will not be published.