,

Breaking News :

မြစ်ကြီးနားတွင် အမျိုသား ၂ ဦး အကြမ်းဖက် ဖမ်ဆီးခံရဟုဆို

မိုးကောင်းတွင် SNA ခေါင်းဆောင်အပါအဝင် အဖွဲ့ ၉ ဦးကို ဖမ်းဆီးရမိကြောင်း မိုးကောင်း PDF ထုတ်ပြန်

လုံးခင်း စစ်တပ်ဂိတ်တိုက်ခိုက်ခံရပြီး  စစ်ကောင်စီအထိနာ

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

မုံးကိုးဘက်မှဆင်းလာသည့် စစ်ကောင်စီစစ်ကြောင်း ‌KIA တိုက်ခိုက်မှုတွင် စစ်တပ်ဘက်မှ ၁၃ ဦးထက်မနည်းသေဆုံး

မုံးကိုးမြို့အဝင်ဆိုင်းဘုတ်

ရှမ်းပြည်နယ်မြောက်ပိုင်း မုံးကိုးဘက်မှ ကွတ်ခိုင်ဘက်သို့ ဆင်းလာသည့် စစ်ကောင်စီတပ်ဖွဲ့ကို ကချင်လွတ်လပ်ရေးတပ်မတော် KIA အဖွဲ့က စောင့်ကြိုတိုက်ခိုက်ခဲ့ပြီး စစ်ကောင်စီတပ်ဘက်မှ ၁၃ ဦးထက်မနည်း သေဆုံးခဲ့ကြောင်း သတင်းရရှိပါသည်။

ယမန်နေ့ ဇွန်လ ၁၄ ရက်နေ့ နံနက်ပိုင်း ၉နာရီဝန်းကျင် မုံကိုးဘက်မှ တပ်ချိန်းရန်ဆင်းလာသည်ဟု ယူဆရသည့် စစ်ကောင်စီတပ်ဖွဲ့ တပ်မ ၇၇ အဖွဲ့ကို ကွတ်ခိုင်နှင့် နမ့်ဖလွန်ရွာကြားတွင် KIA စောင့်ကြိုတိုက်ခိုက်ခဲ့သည်ဟု KIA ရှေ့တန်းသတင်းအရင်းအမြစ်နှင့် နီးစပ်သူ ဒေသခံအမျိုးသားတစ်ဦးက KNG သတင်းဌာနကို ယခုလိုပြောဆိုထားသည်။

“တိုက်ပွဲ ဖြစ်တာမှန်ပါတယ်။တပ်မ ၇၇ စစ်ကြောင်းက ဆင်းလာတဲ့အချိန်မှာ KIA ဘက်က ‌စောင့်ကြိုပစ်တာဟုတ်တယ်။ နှစ်ဘက်စလုံး ထိခိုက်သေဆုံးတာတွေရှိတယ်လို့သိရတယ်”ဟုပြောဆိုသည်။

စစ်ကောင်စီတပ်နှင့် KIA တို့ကြား ထိုနေရာတွင် နာရီဝက်ခန့်အကြာပစ်ခတ်မှုဖြစ်ပွာခဲ့ရာတွင် စစ်ကောင်စီဘက်က ထိခိုက်သေဆုံးမှုရှိခဲ့သလို KIA ဘက်မှလည်း တစ်ဦး ထိခိုက်ဒဏ်ရာရရှိခဲ့ကြောင်းဆက်သိရသည်။

ယမန်နေ့ တိုက်ပွဲဖြစ်ပွားခဲ့သော နေရာသည် နမ့်ဖလွန်ရွာနှင့် အလွန်နီးကပ်သည့် နေရာတွင်ဖြစ်သော်လည်း ကျေးရွာနေ ပြည်သူများသို့ ထိခိုက်မူများ မရှိကြောင်းဒေသခံများပြောဆိုချက်မှသိရပါသည်။

ပြီးခဲ့သော မေလ ၁၆ ရက်နေ့ညတွင်လည်း ကွတ်ခိုင်မြို့အကျော် ဟူနောင်နဲ့ ရှုခင်းသာကြား စစ်ကြောင်းထိုးလာသည့် စစ်ကောင်စီယာဉ်တန်းကို KIA မှ ကြားဖြတ် တိုက်ခိုက်မှုများရှိခဲ့သောကြောင့် စစ်ကောင်စီလက် ယာဉ်အချို့ ထိခိုက်ပျက်စီးမှုများခဲ့ပါသည်။

၂၀၂၁ခုနှစ် စစ်တပ်က အာဏာသိမ်းပြီးနောက် ရှမ်းပြည်နယ်မြောက်ပိုင်း ကွတ်ခိုင်-မူဆယ်ကြား မြန်မာ-တရုတ် ကုန်သွယ်ရာ ပြည်ထောင်စုလမ်းမ အနီးနေရာများတွင်လည်း စစ်ကောင်စီနှင့် KIA တို့အကြား မကြာခဏ တိုက်ပွဲ ဖြစ်ပွားလျက်ရှိပါသည်။

Read Previous

အင်းတော်နယ်တွင် စစ်ကောင်စီတပ်နှင့် PDF တို့ကြားတိုက်ပွဲဖြစ်ပွား၊ စစ်ကောင်စီဘက်မှ ၉ဦးသေဆုံး

Read Next

ချောင်းဦးနယ် တောကျောင်းလေးရွာ ထပ်မံမီးရှို့ဖျက်ဆီးခံရပြီး ပြည်သူ ၄ဦးလည်းသတ်ဖြတ်ခံထားရ