,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

KNC ဥက္ကဋ္ဌ ကို မြစ်ကြီးနားတွင် တရားစွဲထားသည့်အမှုမှ ကွင်းလုံးကျွတ်လွတ်ပေး

ဒေါက်တာကောန်လ KNC ဥက္ကဋ္ဌ

မြစ်ကြီးနားတွင် ပုဒ်မ ၅၀၅ (က) ဖြင့် ထပ်မံတရားစွဲဆိုခံထားရသော ကချင်အမျိုးသားကွန်ဂရက်ပါတီ ဥက္ကဋ္ဌ ဒေါက်တာ M Kawn La ၏ အမှုကို ဇွန်လ ၂၂ ရက်နေ့ မြစ်ကြီးနားမြို့နယ်တရားရုံးမှ ကွင်းလုံးကျွတ်လွတ်မြောက်ခွင့် ပေးလိုက်ကြောင်း သိရသည်။

ဒေါက်တာ M Kawn La ကို မြစ်ကြီးနားမြို့နယ်တရားရုံမှ စွဲဆိုထားသည့်အမှု နှင့် နေပြည်တော်ဇမ္ဗူသီရိမြို့နယ်တရားရုံးတွင် စွဲဆိုခဲ့သောအမှု တူညီနေသည့်အတွက် လွတ်မြောက်ခွင့်ပေးလိုက်ခြင်း ဖြစ်နိုင်သည်ဟု KNC ပါတီမှ တာဝန်ရှိသူတစ်ဦး KNG သတင်းဌာနကို ယခုလိုပြောဆိုခဲ့သည်။

“မြစ်ကြီးနားမှာ စွဲထားတဲ့အမှုက နေပြည်တော်မှာ စွဲဆိုထောင်ချခဲ့တဲ့ အမှုတစ်ခုတည်းသာဖြစ်နေတယ်။ ဒီအမှုတစ်ခုတည်းဘဲ ၂နေရာမှာ တရားစွဲဆိုသလိုဖြစ်နေတယ်။ အဲ့ကြောင့် ဒီအမှုတစ်ခုတည်းနဲ့ဘဲ ၂နေရာမှာ အမိန့်ချမှတ်လို့မရတဲ့အတွက် ကွင်းလုံးကျွတ်ဆိုပြီး ပြန်လွတ်ပေးလိုက်တယ်လို့ထင်တယ်”ဟု ပြောဆိုသည်။

မြစ်ကြီးနားတွင် ဒေါက်တာ M Kawn La ကို မြောက်ပိုင်တိုင်း စစ်ဌာနချုပ် ဒုတိယဗိုလ်မှူးကြီးသန်းထိုက်က တရားလိုပြုလုပ်ကာ ပုဒ် ၅၀၅(က)ဖြင့် တရားစွဲဆိုခဲ့ခြင်းဖြစ်ပြီး မြစ်ကြီးနားမြို့နယ် တရားရုံးတွင် ရုံးချိန် ၆ကြိမ် ချိန်းဆိုခဲ့ပြီးနောက် ယခုလို လွတ်မြောက်ခွင့်ပေးလိုက်ခြင်းဖြစ်ကြောင်း သိရသည်။

ဒေါက်တာ M Kawn La သည် ပြီးခဲ့သော မတ်လ ၂၃ရက်နေ့ နေပြည်တော်တွင် ပုဒ်မ ၅၀၅(က)ဖြင့် ထောင်ဒဏ် ၂နှစ်ချမှတ်ခံခဲ့ရပြီးနောက် မြစ်ကြီးနားတွင် ထပ်မံတရားစွဲဆိုခံထားရသည့်အတွက် အမှုရင်ဆိုင်ရန် မေလ ၉ရက်နေ့တွင် နေပြည်တော်မှ မြစ်ကြီးနားသို့ ပို့ဆောင်ခဲ့ခြင်းဖြစ်သည်။

လက်ရှိ မြစ်ကြီးနားတွင် စွဲဆိုခံရသည့်အမှုမှ လွတ်မြောက်ခွင့်ရရှိခဲ့သော်လည်း နေပြည်တော်တွင် ထောင်ဒဏ် ၂နှစ်ချမှတ်ခံထားရသည့်အမှုအတွက် ကျန်ရှိသော အချိန် ၁၀ လခန့်ကို မြစ်ကြီးအကျဉ်းထောင်တွင်သာ ဆက်လက် ကျခံသွားမည်ဖြစ်ကြောင်း KNC ပါတီ၏ ပြောဆိုချက်အရသိရသည်။

KNC ပါတီ ဥက္ကဋ္ဌ ဒေါက်တာ M Kawn La သည် ပြီးခဲ့သော ၂၀၂၁ ခုနှစ် ဩဂုတ်လ ၂၅ ရက်နေ့ မွန်းလွှဲ ၃ နာရီဝန်းကျင်ခန့်တွင် နေပြည်သူတော်တွင် ဖမ်းဆီးခံလိုက်ရပြီး ၇ လခန့်အကြာ ဖမ်းဆီးချုပ်နှောင်ခံရပြီးနောက် မတ်လ ၂၃ရက်နေ့တွင် ထောင်ဒဏ် ၂နှစ်ချမှတ် ခံခဲ့ရခြင်းဖြစ်သည်။

ဒေါက်တာ M Kawn La သည် စစ်တပ်က အာဏာသိမ်းပြီးနောက် စစ်ကောင်စီက ပြန်လည်ဖွဲ့စည်းသော ရွေးကောက်ပွဲ ကော်မရှင် ခေါ်ယူသော အစည်းအဝေးများတွင် ပါဝင်ခဲ့ခြင်းမရှိသည့်အပြင် ကချင်ပြည်နယ်ဆိုင်ရာ မူဝါဒများကိုရေးဆွဲရန်အတွက် Kachin People’s Political Front – KPPF ကို ဦးဆောင်ဖွဲ့စည်းမှုတွင်လည်း ပါဝင်ခဲ့သူဖြစ်သည်။

Read Previous

မုံးကိုး ဖောင်းဆိုင်လမ်းတွင် ကန့်သတ်စစ်ဆေးမှုများကြောင့် စားနပ်ရိက္ခာသယ်ယူန် ပိုခက်ခဲလာ

Read Next

မိုးကြိုးပြင် (မြောက်) ရွာက မီးဘေးသင့်ပြည်သူ ၂၀၀၀ ကျော်အတွက် အရေးပေါ် အကူညီလိုအပ်နေ