,

Breaking News :

အောင်ဟိန်းမင်း ဦးဆောင်သည့် PDF အဖွဲ့မှ ပိုက်ဆံလုယက်သည် ဆိုပြီး သတင်းအမှားဖြန့်

KIO နယ်မြေမှာဖွင့်လှစ်တဲ့ Kachin State Comprehensive University (KSCU)

မိုးညှင်း နှင့် မော်ဟန်ကြားတွင် စစ်ကောင်စီတပ်မှ ခရီးသွားယာဉ်များကို စစ်ဆေးနေ

ဗန်းမော်တွင် မီတာကြေးမဆောင်သည့် နေအိမ်များမှ မီတာဘောက်များ စစ်ကောင်စီအဖွဲ့ လိုက်လံဖြုတ်သိမ်းနေ

စစ်ကောင်စီတပ်၏ စက်လှေ ၄စီးပစ်ခံရပြီး မိုးစစ်ရွာမှ ကလေးငယ် ၅ဦးခန့် ထိခိုက် သေဆုံးမှုရှိ

ထီးချိုင့်နယ် ငွေကြေးကောက်ခံနေသည့် စစ်တပ်ဂိတ်တစ်ခု မိုင်းဆွဲတိုက်ခိုက်ခံရပြီး တပ်သား ၃ဦးခန့်သေဆုံးဟုဆို

မင်းကင်းနယ်ရှိ စစ်တပ်ဂိတ်စခန်းတစ်ခုတိုက်ခိုက်ခံရပြီး သေဆုံးမှုရှိ၊ လက်နက်ခဲယမ်းတစ်ချို့သိမ်းဆည်းရရှိ

နန့်ယား ပြည်သူ့စစ်ခေါင်းဆောင် သတ်ခံရပြီးနောက် နန့်ယားကျေးရွာတွင် စစ်ဆေးရေးပိုမိုတင်းကြပ်ထား

မြစ်ကြီးနားတွင် စစ်ကောင်စီအဖွဲ့ ကင်းပုန်းချ ဖမ်းဆီးမှုလုပ်ဆောင်နေ၊ တစ်ရက်အတွင်း လူငယ် ၂ဦး ဖမ်းဆီးခံရ

ငွေသာကျေးရွာ မီးရှို့ခဲ့သည့် စစ်ကောင်စီတပ်ကို ဒေသကာကွယ်ရေးတပ်များ တိုက်ခိုက်

ရွှေဘိုမြို့နယ်တွင် တပ်စွဲနေထိုင်သည့် စစ်ကောင်စီနှင့် ပျူစောထီးများတိုက်ခိုက်ခံရ

Photo – Crd

စစ်ကိုင်းတိုင်းဒေသကြီး ရွှေဘိုမြို့နယ် ဇီးဖြူကုန်းကျေးရွာတွင် တပ်စွဲနေထိုင်သည့် စစ်ကောင်စီနှင့်ပျူစောထီးအဖွဲ့တို့ကို ဒေသကာကွယ်ရေးတပ်များက အဝေးထိန်းမိုင်းဖြင့် ဖောက်ခွဲတိုက်ခိုက်ခဲ့ရာ ပျူစောထီး ၃ဦးသေဆုံးကာ စစ်သား ၂ဦးထိခိုက်ဒဏ်ရာရရှိခဲ့သည်ဟု Snake Eyes PDF မှသိရသည်။

ယမန်နေ့ နံနက်ပိုင်း ၇နာရီဝန်းကျင်တွင် တပ်စွဲနေထိုင်သည့် နေရာသို့ Snake Eyes PDF နှင့် မဟာမိတ်များစုပေါင်းကာ အလှစ်အငိုက် အဝေးထိန်းမိုင်းဖြင့် ဖောက်ခွဲတိုက်ခိုက်ခဲ့ခြင်းဖြစ်သည်ဟု Snake Eyes PDF မှ တာဝန်ရှိသူတစ်ဦးကဆိုသည်။

“သူတို့တပ်စွဲထားတဲ့ရွာမှာ အဝေးထိန်းမိုင်းနဲ့ မိုင်းခွဲတိုက်ခဲ့တာပါ အဲ့မှာသူတို့ ငါးယောက်ထိသွားတာ ချက်ချင်းမသေသေးဘူး အဲ့မှာသူတို့က ရွှေဘိုမြို့ပေါ်က ဆေးရုံမှာသွားပြတာ အဲ့မှာဆေးရုံမရောက်သေးဘူးလမ်းကရွာတစ်ရွာအရောက်မှာ ၃ယောက်ကသေသွားတာ”ဟုပြောဆိုသည်။

မိုင်းခွဲတိုက်ခိုက်ခံရမှုတွင် ဒဏ်ရာရရှိခဲ့သည့် နှစ်ဦးကို ဆေးရုံကို ဆက်လက်ပို့ဆောင်စဉ် မင်္ဂလာကျေးရွာအနီးတွင် ထပ်မံ မိုင်းခွဲတိုက်ခိုက်ခဲ့သည်ဟု သူကဆက်ဆိုသည်။

စစ်ကောင်စီနှင့်ပျူစောထီးအဖွဲ့တို့ကို မိုင်းခွဲတိုက်ရခြင်းသည် ဇီးဖြူကုန်းကျေးရွာမှ နေအိမ်အချို့ကို မီးရှို့ဖျက်ဆီးခဲ့သည့်အပြင် လက်နက်ကြီးဖြင့် ရမ်းသမ်းပစ်ခတ်မူများပြုလုပ်နေသည့်အတွက် ပြုလုပ်ရခြင်းဖြစ်သည်ဟု Snake Eyes PDF မှ တာဝန်ရှိသူတစ်ဦးက ယခုလိုဆက်ဆိုသည်။

“ကျနော်တို့တိုက်ခိုက်ပြီးတော့ ​သူတို့ဘက်ကရမ်းသမ်းပစ်ခတ်တာတွေလည်းလုပ်တယ် ဒါပေမဲ့ရဲဘော်တွေတော့အထိအခိုက်မရှိဆုတ်ခွာနိုင်ခဲ့ပါတယ် ရွာထဲက နေအိမ် ၃လုံးကိုတော့မီးရှို့ဖျက်ဆီးထားတယ်လို့သိရတယ်ဗျ” ဟု Snake Eyes PDF မှ တာဝန်ရှိသူတစ်ဦးကဆိုသည်။

စစ်ကောင်စီနှင့်ပျူစောထီးအဖွဲ့ဘက်မှ သေဆုံးမှု နှင့် ထိုခိုက်ဒဏ်ရာရရှိခဲ့သော အခြေအနေကို မျက်မြင်တွေ့ရှိသည့်ဒေသခံများထံမှအတည်ပြုနိုင်ခဲ့ခြင်းဖြစ်သည်ဟုသိရသည်။

စစ်ကောင်စီနှင့်ပျူစောထီးများသည် ဇီးဖြူကုန်းရွာမှ ပြည်သူများပိုင်ဆိုင်သည့် လယ်ယာများကို ရိတ်သိမ်းမူတွေပြုလုပ်နေကာ ရွာသူရွာသားများအနေဖြင့်လည်း စစ်ကောင်စီနှင့်ပျူစောထီးများ ရွာကိုတပ်စွဲနေထိုင်နေတာကြောင့် ထွက်ပြေးတိမ်းရှောင်နေရသဖြင့်အခုလို စစ်ဆင်ရေးဆောင်ရွက်ခဲ့ရခြင်းဖြစ်သည်ဟု Snake Eyes PDF မှ တာဝန်ရှိသူတစ်ဦးကဆိုသည်။

ဇီးဖြူကုန်းကျေးရွာသည် ရွှေဘိုမြို့၏ အနောက်မြောက်ဘက်ခြမ်းတွင် ရှိပြီး ရွှေဘိုမြို့မှ ဆိုင်ကယ်ဖြင့်သွားလျှင် ၄၅မိနစ်ခန့်ကြာမြှင့်သည့်ခရီးဖြစ်ကြောင်း သိရပါတယ်။

Read Previous

ခင်ဦးနယ်တွင် PDF နှစ်ဦးသတ်ဖြတ်ခံရပြီး အရပ်သား ၃၀ ကျော်ဖမ်းဆီးခံထားရ

Read Next

ဖမ်းဆီးခံရသည့် အရပ်သား ပြည်သူ ၂၃ ဦးအနက် ၁၉ ဦး ပြန်လွတ်ပြီး ကျန် ၄ ဦးအား တရားစွဲဆိုထား

Leave a Reply

Your email address will not be published.