,

Breaking News :

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

နာဂတောင်တန်း ကျေးရွာတစ်ခု ရွာလုံးကျွတ်နီးပါး မီးလောင်မှုဖြစ်ပွား

ရွှေဘိုတိုက်ပွဲတွင် ကာကွယ်ရေးတပ်ဖွဲ့ဝင် ၃ ဦးကျဆုံး

ဒီပဲယင်းတွင် တစ်ပတ်အတွင်းကျေးရွာ ၁၀ ရွာမှ နေအိမ်တစ်ထောင်ကျော် မီးရှို့ခံရ

ရွှေကူ ဆင်တပ်ရွာတွင် ဖမ်းဆီးထားသည့် ပြည်သူ ၁၄ ဦးအနက် ဆယ်ကျော်သက်လူငယ်တစ်ဦးကို ကလေးအကျဥ်ထောင်ပို့ရန် စီစဥ်နေ

မိုးညှင်း Silent strike နေ့တွင် အလယ်တန်းကျောင်းအတွင်း ဗုံးပေါက်ကွဲမှုဖြစ်ပွား

စစ်ဘေးရှောင်ကျေးရွာ ၁၂ ရွာမှ ဒေသခံတစ်သောင်းကျော်အတွက် ဆေးဝါးနှင့် စားနပ်ရိက္ခာအရေးပေါ်အကူညီများ လိုအပ်နေ

စစ်တပ်က ရိုက်နှက်ဖမ်းဆီးသွားသည့် ကားသမားတစ်ဦး နှင့် ဆယ်ကျော်သက် လူငယ်တစ်ဦးတို့ဖြင့် အဆက်အသွယ် မရသေး

အာဏာသိမ်းမှု ၂ နှစ်ပြည့် အသံတိတ်သပိတ် ပါဝင်ပေးကြဖို့ ကချင်ပြည်နယ်မှ တော်လှန်ရေးအင်အားစုများ တိုက်တွန်း

ကန့်ဘလူ စစ်ဘေးရှောင်ပြည်သူများ မြွေအန္တရာယ်ကြုံတွေ့နေရပြီး ဆေးဝါးများလိုအပ်နေ

ကန့်ဘလူ စစ်ရှောင်ပြည်သူ ၂ဦး မြွေအန္တရာယ် ကြုံတွေ့နေရသည့် မြင်ကွင်း

စစ်ကိုင်းတိုင်းဒေသကြီး ကန့်ဘလူမြို့နယ် မြောက်ဘက်ခြမ်းတွင် စစ်ဘေးရှောင်သည့် ပြည်သူများ မြွေအန္တရာယ် ကြုံတွေ့နေရသဖြင့် မြွေဆိပ်ဖြေဆေးများအရေးပေါ်ကူညီပေးရန် လိုအပ်နေသည်ဟု စစ်ဘေးရှောင်ပြည်သူများထံမှသိရသည်။

စစ်ရှောင်များတွင် မြွေဆိပ်ဖြေဆေးများ မကျန်ရှိတော့သည့်အတွက် နောက်ထပ် မြွေကိုက်ခံရမှုများ ထပ်မံကြုံတွေ့ပါက အသက်အန္တရာယ်စိုးရိမ်ရသည့် အခြေအနေအထိ ဖြစ်လာနိုင်သည်ဟု စစ်ရှောင်ကူညီပေးနေသည့် ပြည်သူတစ်ဦးက KNG ကိုပြောသည်။

အခုက အရန်ထိန်းဖို့အတွက် ဆေးက ၂လုံးလောက်ပဲကျန်တော့တယ် တယ်လို့ မြွေကိုက်ခံရတဲ့သူတစ်ယောက်လောက်ကို ပြန်ထိုးပေးလိုက်ရင် ဆေးကမရှိတော့ဘူး။ ကျနောတို့ကို မြွေဆိပ်ဖြေဆေးကို ဆေးပဲရရ တခြားငွေကြေးနဲ့ပဲဖြစ်ဖြစ် ကူညီပေးလို့ရပါတယ်ဟုပြောဆိုသည်။

ယခင်က မြွေဆိပ်ဖြေဆေးအတွက် ဆေးဝယ်ယူရန် လွယ်ကူခဲ့သော်လည်း လက်ရှိတွင် စစ်ကောင်စီက ဆေးဝါးပိုင်းဆိုင်ရာများကို ထိန်းချုပ်လိုက်သည့်အပြင် တစ်ဖက်တွင် သယ်ယူပို့ဆောင်ရေးနှင့်ငွေကြေးအခက်အခဲများရှိနေသောကြောင့် ယခုလိုအရေးပေါ်ကူညီရန် လိုအပ်နေခြင်းဖြစ်သည်ဟု သိရသည်။

ကန့်ဘလူမြို့နယ်သည် အပူပိုင်းဒေသတွင်ပါဝင်ပြီး မိုးအကုန်ဆောင်းအကူးကာလတွင် မြွေအန္တရာယ်ကို အများဆုံးကြုံတွေ့ရသည့် အချိန်ကာလတစ်ခုဖြစ်သည့်အတွက် ထိုအချိန်တွင် မြေပွေးနှင့်မြွေဟောက်အများဆုံးပေါများသည့် အချိန်ဖြစ်သည်ဟု သတင်းအရင်းအမြစ်များဆိုသည်။

အောက်တိုဘာလ ၉၊ ၁၀ ရက်နေ့တွင် စစ်ဘေးတိမ်းရှောင်ရင်း ဒေသခံ ၃ဦး မြွေပွေးကိုက်ခံရကာ တစ်ဦးမှာ အသက်အန္တရာယ်စိုးရိမ်ရသည့်အခြေအနေများကြုံတွေ့ခဲ့ရသည်ဟု သိရသည်။

ထို့နောက် ဇွန်လနှင့်အောက်တိုဘာလအတွင်း မြွေကိုက်ခံရသည့် စစ်ရှောင်ပြည်သူများ ၂၀ ဦးအထိရှိခဲ့ပြီး ၂ဦးသေဆုံးမှုရှိခဲ့သည်ဟု ကျွန်းလှမြို့နယ်တက်ကြွလှုပ်ရှားသူများ၏ ထုတ်ပြန်ချက်မှသိရသည်။

ယခုလို ကန့်ဘလူနယ် ဒေသခံများ မြွေကိုက်ခံရမှု အန္တရာယ်ကြုံတွေ့နေရခြင်းသည် စစ်ကောင်စီတပ်များ ကျေးရွာများအတွင်းသို့ စစ်ကြောင်းထိုးဝင်ရောက်လာပြီး သေနတ်ရမ်းသမ်းပစ်ခတ်မှုကြောင့် ကျေးရွာနေပြည်သူများ ဘေးလွတ်ရာ ထွက်ပြေးတိမ်းရှောင်ခဲ့ရာမှ မြွေကိုက်ခံရမှုကြုံတွေ့နေကြခြင်းဖြစ်သည်။

Read Previous

ချီဖွေဒေသတွင် MPT ဖုန်းလိုင်းဖြတ်တောက်ခံထားရ၊ မြစ်ကြီးနားဘက်မှ စစ်ယာဉ်တန်းတက်လာဟုဆို

Read Next

ကသာနယ် အောင်ပုံကျေးရွာမှ စစ်ကောင်စီ လက်အောက်ရှိသည့် ပြည်သူ ၂ ဦးဖမ်းဆီးခံရ