,

Breaking News :

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

နာဂတောင်တန်း ကျေးရွာတစ်ခု ရွာလုံးကျွတ်နီးပါး မီးလောင်မှုဖြစ်ပွား

ရွှေဘိုတိုက်ပွဲတွင် ကာကွယ်ရေးတပ်ဖွဲ့ဝင် ၃ ဦးကျဆုံး

ဒီပဲယင်းတွင် တစ်ပတ်အတွင်းကျေးရွာ ၁၀ ရွာမှ နေအိမ်တစ်ထောင်ကျော် မီးရှို့ခံရ

ရွှေကူ ဆင်တပ်ရွာတွင် ဖမ်းဆီးထားသည့် ပြည်သူ ၁၄ ဦးအနက် ဆယ်ကျော်သက်လူငယ်တစ်ဦးကို ကလေးအကျဥ်ထောင်ပို့ရန် စီစဥ်နေ

မိုးညှင်း Silent strike နေ့တွင် အလယ်တန်းကျောင်းအတွင်း ဗုံးပေါက်ကွဲမှုဖြစ်ပွား

စစ်ဘေးရှောင်ကျေးရွာ ၁၂ ရွာမှ ဒေသခံတစ်သောင်းကျော်အတွက် ဆေးဝါးနှင့် စားနပ်ရိက္ခာအရေးပေါ်အကူညီများ လိုအပ်နေ

စစ်တပ်က ရိုက်နှက်ဖမ်းဆီးသွားသည့် ကားသမားတစ်ဦး နှင့် ဆယ်ကျော်သက် လူငယ်တစ်ဦးတို့ဖြင့် အဆက်အသွယ် မရသေး

အာဏာသိမ်းမှု ၂ နှစ်ပြည့် အသံတိတ်သပိတ် ပါဝင်ပေးကြဖို့ ကချင်ပြည်နယ်မှ တော်လှန်ရေးအင်အားစုများ တိုက်တွန်း

ချောင်းဦးမြို့နယ် မယ်သဲကြိုးကွင်းကျေးရွာမှ နေအိမ် ၄၀ ကျော်မီးရှို့ခံရ

ချောင်းဦးမြို့နယ် မယ်သဲကြိုးကွင်းကျေးရွာ လူနေအိမ်များ မီးရှို့ဖျက်ဆီးခံရသည့် မြင်ကွင်း

စစ်ကိုင်းတိုင်းဒေသကြီး ချောင်းဦးမြို့နယ်ရှိ မယ်သဲကြိုးကွင်း‌ကျေးရွာတွင် ပြည်သူပိုင် နေအိမ်များ ၄၀ ကျော်ကို စစ်ကောင်စီတပ်ဖွဲ့မှ မီးရှို့ဖျက်ဆီးခဲ့သည်ဟု ဒေသခံများ ပြောသည်။

အောက်တိုဘာလ ၁၁ ရက်နေ့ နံနက်ပိုင်း ၇ နာရီဝန်းကျင်ခန့်တွင် အင်အား ၃၀ ကျော် စစ်ကောင်စီတပ်များကို လူသားဒိုင်းသဖွယ်ရှေ့မှသွားစေပြီး ၎င်းတို့နောက်တွင် အင်အား ၄၀ ခန့် ကပ်လိုက်လာကာ စုစုပေါင်း အင်အား ၇၀ ဖြင့် မယ်သဲကြိုးကွင်းကျေးရွာသို့ ဝင်ရောက်လာခဲ့သည်။

သူတို့က အင်အား ၇၀ ကျော်လောက်ရှိတယ်။ ချောင်းဦးကနေ စစ်ကြောင်းနှစ်ခု ခွဲထွက်လာတာ သူတို့ကပရိယာယ်သုံးတာပေါ့ ၃၀ကျော်လောက်ကို အရပ်ဝတ်နဲ့ ရှေ့ကထားပြီး လူသားဒိုင်းတွေဆွဲလာတာလိုလိုနဲ့ ထွက်လာတာ မယ်သဲကြိုးကွင်းရွာလည်း ရောက်ရော အဲ့နားကရှိတဲ့ တဲတွေရော အိမ်တွေရောမီးရှို့သွားတာ အလုံး ၄၀ လောက်ပါသွားတယ်။ မီးရှို့တဲ့အခါလည်း အရပ်ဝတ်တွေက စရှို့တာဟု ဒေသခံတစ်ဦးက ဆိုသည်။

မယ်သဲကြိုးကွင်း ဒေသခံပြည်သူများသည် စစ်ကောင်စီ စစ်ကြောင်းစတင်ထွက်ခွာလာသည်ဟူသော သတင်းကြားရချင်း ကြိုတင်တိမ်းရှောင်နိုင်ခဲ့သောကြောင့် ပြည်သူများအနေဖြင့် ထိခိုက်မူတစ်စုံတစ်ရာမရှိခဲ့ကြောင်း သူကဆက်‌‌ပြောသည်။

ထို့နောက်အဆိုပါ စစ်ကောင်စီ စစ်ကြောင်းများသည် ပျူစောထီးကျေးရွာများဖြစ်သည့် ကံဇီး၊ ကင်မွန်းတော်ကျေးရွာများသို့ ထွက်ခွာသွားခဲ့ပြီး လက်နက်ကြီးများဖြင့် အနီးပတ်ဝန်းကျင်ကကျေးရွာများကို ရမ်းသမ်းပစ်ခတ်ခဲ့သေးသည်ဟု ဒေသခံများက ဆိုသည်။

မယ်သဲကြိုးကွင်းကျေးရွာကို အာဏာသိမ်းပြီးနောက်ပိုင်းတွင် စစ်ကောင်စီ စစ်ကြောင်းထိုးဝင်ရောက် မီးရှို့မှု နှစ်ကြိမ်တိုင်တိုင်ရှိပြီဖြစ်သည်။

လက်ရှိတွင် ကံဇီး၊ ကင်မွန်းတော် စသည့်ပျူစောထီးကျေးရွာ အနီးပတ်ဝန်းကျင်ရှိ ရွာ ၄ ရွာ ထက်မနည်း ပြည်သူထောင်နှင့်ချီ အိုးအိမ်စွန့်ခွာ ထွက်ပြေးတိမ်းရှောင်နေရသည်ဟု ဒေသခံများထံမှ သိရသည်။

Read Previous

မုံရွာမြို့ စက်မူဇုန် အဝိုင်းပတ်အနီး စစ်ကောင်စီ ကား၃စီး မိုင်းဆွဲတိုက်ခိုက်ခံရ

Read Next

စစ်ကိုင်းတိုင်း တိုက်ပွဲအပေါ် ကာကွယ်ရေးတပ်ဖွဲ့များ၏ အမြင် နဲ့ သုံးသပ်ချက်များ