,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

အင်းတော်နယ် အောင်းကုန်းနှင့် အင်ပင်ရွာတွင် စစ်ကောင်စီတပ်စွဲထားပြီး နေအိမ်များ မီးရှို့ဖျက်ဆီးခံရ

အင်းတော်နယ် အောင်းကုန်းနဲ့ အင်ပင်ရွာ နေအိမ်မီးရှို့ဖျက်ဆီးခံရ

စစ်ကိုင်းတိုင်း အင်းတော်မြို့နယ် အောင်းကုန်းနှင့် အင်ပင်ကျေးရွာ ၂ခုတွင် စစ်ကောင်စီတပ်သား အင်အား ၆၀ ကျော် ဝင်ရောက်တပ်စွဲထားပြီး ပြည်သူပိုင် နေအိမ် ၁၀ လုံးထက်မနည်း မီးရှို့ဖျက်ဆီးခဲ့သည်ဟု သိရသည်။

အောက်တိုဘာလ ၁၉ ရက်နေ့ ည ၆ နာရီခွဲဝန်းကျင် ရွာချင်းဆက်နေကြသည့် အောင်းကုန် နှင့် အင်ပင်ကျေးရွာအတွင်းဝင်ရောက်လာကြပြီး လူနေအိမ်များ မီးရှို့ဖျက်ဆီးပေးလိုက်သည်ဟု အင်းတော် PDF မှတာဝန်ရှိသူတစ်ဦး KNG ကိုပြောသည်။

အောင်းကုန်းနဲ့ အင်ပင်မှာ ဝင်နေကြတာဟုတ်တယ် အဲ့ရွာ ၂ခုက ဟိုဘက်ဒီဘက် ကားလမ်းပဲခြားကြတယ်။ အဲ့ထဲမှာ သူတို့က တပ်တွေဖြန့်ထားပြီး နေအိမ်တွေကို မီးရှို့ပေးလိုက်ကြတယ်။ မနေ့ ညနေပိုင်းမှာပဲ အိမ် ၁၀ လုံးလောက် ရှို့ခံလိုက်ရတယ်။ ရွာသားတွေက ဘယ်မှမရှိကြတော့ဘူး ထွက်ပြေးကုန်ကြပြီဟုပြောသည်။

လက်ရှိတွင် စစ်ကောင်စီတပ်ဖွဲ့မှ အောင်းကုန်း၊ အင်ပင်နှင့် နန့်သာ စသည့် ရွာ ၃နေရာတွင် ရှိနေသည့်အတွက် အောက်တိုဘာလ ၁၉ ရက်နေ့ ကတည်းက ဒေသခံပြည်သူများ ၃၀၀၀ ကျော် အင်းတော်မြို့တွင်းနှင့် အနီးပတ်ဝန်းကျင်ဘက်သို့ ထွက်ပြေးတိမ်းရှောင်ခဲ့ကြသည်ဟုသိရသည်။

အောင်းကုန်းကျေးရွာတွင် အိမ်ခြေ ၄၀၀ ခန့်၊ အင်ပင်ရွာတွင် ၂၀၀ ဝန်းကျင်နှင့် နန့်သာတွင် ၁၀၀ နီးပါခန့် နေထိုင်သည့် ကျေးရွာများဖြစ်သည်။

အဆိုပါ စစ်ကြောင်းသည် အောက်တိုဘာလ ၁၈ ရက်နေ့ အောင်ကုန်းကျေးရွာဘက်သို့ ဝင်ရောက်လာစဉ် လမ်ခုလပ်တစ်နေရာတွင် ပြည်သူ့ကာကွယ်ရေးတပ်ဖွဲ့မှ ခြုံခိုတိုက်ခိုက်ခဲ့သည့် စစ်ကြောင်းဖြစ်သည်ဟုလည်းသိရသည်။

အောက်တိုဘာလ ၁၇ ရက်နေ့တွင် အင်းတော်ဘက်မှ နန့်ကင်ရွာထဲ တစ်ညအိပ်ပြီး အောက်တိုဘာလ ၁၈ ရက်နေ့ အောင်ကုန်းကျေးရွာဘက်သို့ ဝင်ရောက်လာခဲ့ကြပြီး လက်ရှိတွင်လည်း ပြည်သူ့ကာကွယ်ရေးတပ်ဖွဲ့ဝင်များနှင့် တိုက်ပွဲ ဆက်လက်ဖြစ်ပွားနိုင်သည်ဟု PDF အဖွဲ့ဘက်မှပြောဆိုထားသည်။

Read Previous

ယင်းမာပင်နယ်ရှိ ကျေးရွာ ၂ခု ရဟတ်ယာဉ် ၂စီးဖြင့် ဝင်ရောက်စီးနင်းခံရ

Read Next

အင်းတော်မြို့အဝင် စစ်ရေးဂိတ်တစ်ခု တိုက်ခိုက်ခံရ၊ ရဲတစ်ဦးသေဆုံး