,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

စစ်ရိက္ခာသယ် သင်္ဘော ၇စီးဆန်တက်လာသည့်အတွက် ရွှေကူနယ် ကျေးရွာတစ်ချို့ ဘေးလွတ်ရာသို့ ထွက်ပြေးတိမ်းရှောင်နေရ

ကသာနယ် စစ်ကောင်စီ စစ်ရိက္ခာသယ်ပို့သည့် သင်္ဘော – ပုံဟောင်းအသုံးပြုထားသည်။

ထီးချိုင့်နယ်မှ ဗန်းမော်ဘက်သို့ စစ်ကောင်စီတပ်၏ စစ်ရိက္ခာသယ် စစ်သင်္ဘော ၇ စီး ဆန်တက်လာသည့်အတွက် ရွှေကူမြို့နယ် ဧရာဝတီမြစ်ကမ်းနံဘေးရှိ မိုးစစ်နှင့် ရေလဲ ကျေးရွာနေပြည်သူများ ယနေ့နံနက်ပိုင်းမှစတင်ပြီး ထွက်ပြေးတိမ်းရှောင်နေကြသည်ဟု ဒေသခံများပြောသည်။

ရွှေကူဒေသခံများအနေဖြင့် စစ်ကောင်စီ စစ်သင်္ဘောများ ဆန်တက်လာချိန်တွင် ပစ်ခတ်ဖမ်းဆီးခံရမည်ကို စိုးရိမ်သည့်အတွက် စစ်ကြောင်းမရောက်မှီ  ဘေးလွတ်ရာသို့ ကြိုတင်ထွက်ပြေးတိမ်းရှောင်နေရသည်ဟု ရွှေကူမြို့နေခံ အမျိုးသမီး တစ်ဦးက KNG ကိုပြောသည်။

စစ်သင်္ဘောတွေ တက်လာကြပြီဆိုတော့ ဒီမနက်ကနေ တစ်ချို့ကထွက်ပြေးနေကြပြီ။ တစ်ချို့ကတော့ ရွှေကူမြို့ပေါ်က စစ်ရှောင်စခန်းတွေမှာ ထွက်ပြေးကြတယ်။ တစ်ချို့ကတော့ ဒီဘက်ကမ်းက လုံးခြုံမယ့် ရွာတွေမှာ တိမ်းရှောင်ကြ တယ်။ သင်္ဘောနီးလာရင်တော့ အားလုံးရှောင်ကြမှာပဲဟုပြောဆိုသည်။

မိုးစစ်နှင့် ရေလဲရွာ ၂ခုသည် ဧရာဝတီမြစ်တစ်ဖက်ကမ်းတွင်တည်ရှိနေပြီး စစ်ကြောင်းထိုးဝင်လာတိုင်း အဆိုပါ ကျေးရွာများတွင် ဝင်ရောက်ကာ နေအိမ်များဖျက်ဆီးခံရမှု၊ အိမ်မွေးတိရိတ္ဆန်များအပါ သတ်ဖြတ်ပေးလိုက်ခြင်းနှင့် တွေ့ရှိသည့် ပြည်သူများကိုလည်း ဖမ်းဆီးနှိပ်စက်မှုများ ပုံမှန်လုပ်ဆောင်နေသည့်အတွက် ယခုထွက်ပြေးတိမ်းရှောင်နေရသည်ဟု ဒေသခံများကပြောဆိုသည်။

လက်ရှိ စစ်သင်္ဘော ၇စီးသည် ကသာနယ်သို့ရောက်ရှိလာခဲ့ပြီး ထို သင်္ဘော ၇စီးထဲတွင် စစ်အင်အား ၁၅၀ ကျော်အပါ လက်နက်ခဲယမ်းများနှင့် စစ်ရိက္ခာများအပြည့်သယ်ဆောင်လာကြောင်း ထီးချိုင့် PDF နီးစပ်သူ ပြည်သူတစ်ဦးက ယခုလိုပြောဆိုသည်။

စစ်သင်္ဘော ၇စီးက ကသာနယ်ထဲရောက်ပြီ။ ဗန်းမော်ကိုတက်လာတဲ့ သင်္ဘောတွေဖြစ်တယ်လို့သိရတယ်။ နောက်ပြီး စစ်သားတွေက အင်အား ၁၅၀ ကျော်လောက်ပါတယ်။ အဲ့ထဲမှာ လက်နက်ခဲယမ်းတွေ၊ သူတို့ရဲ့ စစ်ရိက္ခာတွေ အပြည့်သယ်လာတယ်ဟုပြောဆိုသည်။

စစ်ကောင်စီတပ်ဖွဲ့သည် စစ်အင်အားအပါအဝင် လက်နက်ခဲယမ်းများ၊ စားနပ်ရိက္ခာများတင်ပို့ရာတွင် ဧရာဝတီမြစ် ရေကြောင်းလိုင်းဖြင့်သာ အဓိကတင်ပို့လျက်ရှိနေပြီး ရွှေကူနယ်ကြားတွင် ပြည်သူ့ကာကွယ်ရေးတပ်ဖွဲ့နှင့် မကြာခဏ ပစ်ခတ်မှုဖြစ်ပွားလျက်ရှိနေပါသည်။

Read Previous

ယင်းမာပင်တွင် စစ်ကောင်စီ၏ လက်ချက်ကြောင့် ကိုယ်ဝန်ဆောင်တစ်ဦးအပါ အမျိုးသမီး ၂ဦးသေဆုံး

Read Next

စစ်ကိုင်း-ကချင်နယ်စပ်တွင် စစ်ကောင်စီတပ်က လေယာဉ်ဖြင့် ဗုံးကျဲတိုက်ခိုက်မှု ပိုမိုလုပ်ဆောင်လာ