လက်နက်ကြီး

မြစ်ကြီးနားမြို့မှာ ဘာတွေဖြစ်နေလဲ

“အိမ်တောင်လှုပ်ပါတယ်ဆို အမိုးတွေကအစ တော်တော်ကိုကျယ်တယ်ကြီးတယ်၊ ဘာလက်နက်လည်း တော့လည်းခန့်မှန်းလို့တောင်မရပါဘူး ၃ ရက်ရှိပြီ ဒီမနက်လည်းကြားတယ်၊ ဒီမနက်လည်းတော်တော်ကို ကျယ်တယ်၊ ညလည်းတစ်ညလုံးပဲ မနေ့ကဆို နေ့ကို တစ်နေကုန်ပဲဆော်နေတာ” ဒါ့ကတော့ ဒီရက်ပိုင်းအတွင်း မြစ်ကြီးမြို့တစ်မြို့နယ်လုံးနီးပါးကနေ လက်နက်ကြီးသံတွေဆက်တိုက်ကြားနေရတဲ့အခြေနေကို မြစ်ကြီးနားမြို့ဒေသခံတစ်ယောက်ပြောပြတာပါ။ ကချင်ပြည်နယ်…

Read More »

ဟဲလုံသစ်ရွာမှာနေ့တိုင်းလက်နက်ကြီးကျရောက်ပေါက်ကွဲလို့ ဒေသခံများ ရွာကနေထွက်ပြေးတိမ်းရှောင်နေရ

ဗန်းမော်မြို့နယ် ဟဲလုံသစ်ရွာမှာ လက်နက်ကြီးအဆက်မပြတ်ကျရောက်ပေါက်ကွဲနေတာကြောင့် ဒေသခံပြည်သူများ နီးစပ်ရာကျေးရွာဘက်ကို ထွက်ပြေးတိမ်းရှောင်နေရပြီးကူညီထောက်ပံ့မှုတွေလိုအပ်နေတယ်လို့ ဟဲလုံသစ်ရွာ ဒေသခံတွေက ပြောပါတယ်။ ပြီးခဲ့တဲ့ မေလ ၁ ရက်နေ့ကနေ မေလ ၁၃ ရက်နေ့ထိ ဗန်းမော်ဘက်ကနေ ပစ်ခတ်လိုက်တဲ့လက်နက်ကြီးကျည် ရွာထဲဆက်တိုက်ကျရောက်ပေါက်ကွဲနေတဲ့အတွက် နေအိမ်၊ အဆောက်အအုံအများအပြား ပျက်စီးသွားပြီးဖြစ်တယ်လို့ ဟဲလုံဒေသခံ အမျိုးသားတစ်ယောက်က ကိုပြောပါတယ်။ “အိမ်းအမိုးတွေ ပျက်စီး၊ အုပ်နံရံတွေ ကွဲ၊ တံခါးတွေ အကုန်ပျက်စီး ခေါင်းမိုးတွေဆိုရင်လည်း ဇကာပေါက်တွေလို ဖြစ်နေပြီ၊ မီးဖိုချောင်တွေဆိုရင် ရစရာကိုမရှိတော့ဘူး၊ ခုံတွေဆိုရင် အပေါ်ထိ လွင့်သွားတာ၊ မီးလောင်သွားတဲ့ အိမ်လည်းရှိတယ်”လို့ပြောပါတယ်။ မေလ ၁၁ ရက်နေ့ နေ့လည် ၁၂ ဝန်းကျင် လက်နက်ကြီးတစ်လုံး လူနေအိမ်တည့်တည့် ကျရောက်ပေါက်ကွဲခဲ့တဲ့အတွက် အရပ်သားတစ်ဦးထိခိုက်သေဆုံးခဲ့သလို နောက်ထပ်ဒဏ်ရာရရှိတဲ့သူတွေလည်းရှိခဲ့တယ်လို့ သိရပါတယ်။ လက်နက်ကြီးကြောင့် ထိခိုက်ဒဏ်ရာပြင်းထန်သူ ၂ ဦးကို လိုင်ဇာဆေးရုံးမှာ ပို့ဆောင်ထားတယ်လို့ သိရပါတယ်။ ဒါ့အပြင် စစ်ကောင်စီတပ်တွေအနေနဲ့ ရွာထဲလှည့်လည်တာမျိုးတွေရှိနေပြီး စစ်ဆေးမေးမြန်တာတွေလည်း မကြာခဏပြုလုပ်လေ့ရှိတဲ့အပြင် လက်နက်ကြီးတွေကြောင့် ကျေးရွာအတွင်း နေထိုင်လို့ အဆင်မပြေတော့ဘူးလို့ သူကဆက်ပြောဆိုပါတယ်။ “ကျွန်တော်တို့လည်း ပြောတာဘဲ တောင်းပန်တာဘဲ ဒါပေမဲ့ပစ်တာဘဲ၊ ပစ်ချင်ရင် ဘယ်ရက်မှာဖြစ်ဖြစ်ပစ်တယ်၊ သူတို့က ဘယ်နားကျတာလဲဆိုပြီးမေးလာတော့ ရွာထဲမှာဘဲပြန်ကျတယ်၊ လူသေတယ် ပြောတော့ ဝမ်းနည်းပါတယ်ပြောပြီး ပစ်တာဘဲ အဲ့ညမှာဘဲ၊ မေးရင်လည်း မဖြေရင်အခက် ဖြေရင်လည်း ပစ်နေတာဘဲ ဘာမှမထူးဘူးလေ”လို့ပြောပါတယ်။ ဟဲလုံသစ်ကျေးရွာမှာ လူဦးရေ ၁၀၀၀ကျော်၊ အိမ်ထောင်စု ၂၂၇ စုရှိတာဖြစ်ပြီး  ဒေသခံတွေဟာစားဝတ်နေရေးအတွက် လယ်ယာကိုအဓိကလုပ်ကိုင်စားသောက်နေကြတာဖြစ်ပေမဲ့ ဒီရက်ပိုင်းလယ်ကွင်းထဲထိ လက်နက်ကြီးကျရောက်ပေါက်ကွဲနေတာကြောင့် လယ်ဝင်ဖို့လည်း ခက်ခဲနေကြတယ်လို့ ဆိုပါတယ်။ ခုလို ရွာထဲနေ့ည ဆက်တိုက် လက်နက်ကြီးတွေကျရောက်နေတာကြောင့် ဟဲလုံသစ် ဒေသခံတွေဟာ ရွာနဲ့ ၆ မိုင်အကွာမှာရှိတဲ့ တိမ်းသော်ရွာမှာ သွားရောက်ခိုလှုံနေကြပြီး ကူညီထောက်ပံ့မှုတွေ လိုအပ်နေတာဖြစ်တယ်လို့ ဆိုပါတယ်။ ဒေသခံတွေရဲ့ ပြောပြချက်အရ ဗန်းမော်မြို့ ၅မိုင် နမ့်ဖားဂိတ်မှာ စစ်ဆေးမေးမြန်းတာတွေ အတင်းအကြပ်လုပ်ဆောင်နေတဲ့အပြင် ရိုက်နှက်တာတွေလည်းရှိတဲ့အတွက် ဟဲလုံသစ် ဒေသခံတွေအနေနဲ့ ဗန်းမော်မြို့ဘက်ဝင်ရောက်ဖို့အတွက်လည်း အခက်အခဲတွေရှိနေတာဖြစ်တယ်လို့ ဆိုပါတယ်။ ဗန်းမော်ခရိုင် မိုးမောက်နဲ့ မံစီမြို့မှာ မြို့တွင်းတိုက်ပွဲပြင်းထန်နေဆဲဖြစ်ပြီး KIA ပူးပေါင်းတပ်ဘက်က မြို့တွင်းနေရာတွေကိုထိန်းချုပ်ထားနိုင်ပြီဖြစ်ပေမယ့် စစ်တပ်စခန်းတစ်ချို့ကို သိမ်းပိုက်နိုင်ဖို့ ကျန်ရှိနေသေးတာကြောင့် တိုက်ပွဲတွေ ဆက်လက်ဖြစ်ပွားနေတာဖြစ်ပါတယ်။ By – Bu Bu

Read More »

စီအင်ရွာမှာ  လက်နက်ကြီးကျည်ထိမှန်လို့ အသက် ၈၀ နှစ်အရွယ်အဘိုးတစ်ဦးနဲ့ ရွာသားတစ်ဦးသေဆုံး

ဗန်းမော်ခရိုင် မိုးမောက်မြို့ စီအင်ကျေးရွာမှာ လက်နက်ကြီးကျည်ထိမှန်လို့ အသက် ၈၀ အရွယ်အဘိုးတစ်ဦးနဲ့ အမည်မသိအမျိုးသားတစ်ဦးသေဆုံးနေတယ်လို့ ဒေသခံတွေကပြောပါတယ်။ တိုက်ပွဲကြောင့် မိုးမောက်မြို့နယ် စီအင်ကျေးရွာနေပြည်သူတွေဟာ ဘေးလွတ်ရာ တော၊တောင်နဲ့ ဗန်းမော်ဘက်ကို ထွက်ပြးတိမ်းရှောင်နိုင်ခဲ့ကြပေမဲ့ အသက်ကြီးတဲ့သူတွေနဲ့ မသန်စွမ်းတဲ့သူတစ်ချို့ ရွာမှာကျန်နေခဲ့တာဖြစ်ပါတယ်။ ရွာမှာကျန်ခဲ့တဲ့သူတွေထဲမှာ လေဖြတ်နေတဲ့ အသက် ၈၀ အရွယ် ဦးငွားချီးလည်းပါဝင်တယ်လို့ သိရပြီး မေလ ၁၀ ရက်နေ့  မိသားစုဝင်တွေက ဦးငွါးချီးကို ကယ်ထုတ်ဖို့သွားခဲ့ချိန်မှာတော့ လက်နက်ကြီးကျည်ထိမှန်ထားတဲ့ဒဏ်ရာနဲ့ နေအိမ်အတွင်း သေဆုံးနေတယ်လို့ ဒေသခံအမျိုးသမီးတစ်ယောက်က ပြောပါတယ်။ “ဘယ်အချိန်မှာသေတာလည်းတော့ ရက်အတိအကျမသိဘူး ၁၀ ရက်နေ့ဆိုတာကလည်း သူ့သားတွေ သွားကယ်ထုတ်တဲ့နေ့မှာတွေ့လို့ ရက်သတ်မှတ်လိုက်တာဘဲရှိတာ အလောင်းကလည်း ပုပ်ပွနေပြီတဲ့၊ ရွာထဲမှာ မြုပ်ခဲ့ဖို့လည်းအချိန်မရခဲ့ဘူး၊ မြင်ဘဲမြင်ခဲ့ရပြီး ချက်ချင်းပြန်ထွက်ခဲ့ရတာတဲ့”လို့ပြောပါတယ်။ ဒါ့အပြင် နောက်ထပ် အမည်အသိယောကျ်ား အလောင်းတစ်ခုလည်း ရွာလမ်းမကြီးမှာ ရှိနေတယ်လို့ သိရပါတယ်။လက်နက်ကြီးကျည်ထိမှန်သေဆုံးနေတဲ့ ဦးငွါးချီးနဲ့ အမည်မသိအမျိုးသားကို ဒေသခံတစ်ချို့နဲ့ မိသားစုဝင်တွေက မြေမြုပ်သဂြိုလ်ဖို့ပြင်ဆင်ခဲ့ကြပေမယ့် တိုက်ပွဲပြင်းထန်နေတာကြောင့် သဂြိုလ်ချိန်မရဘဲနေအိမ်ထဲမှာဘဲ ပစ်ထားခဲ့ရတယ်လို့ သိရပါတယ်။   လက်ရှိမှာတော့ မိုးမောက်မြို့တွင်း ကျန်နေခဲ့တဲ့ဒေသခံပြည်သူအားလုံးကို မေလ ၁၀ ရက်နေ့ သွားရောက်ကယ်ထုတ် နိုင်ခဲ့ပြီဖြစ်တယ်လို့ ဆိုပါတယ်။ “အဲ့ဒီနေ့မှာဘဲ အကုန်လုံးကို ကယ်ထုတ်လာနိုင်ခဲ့တာ၊ အခုရွာမှာ ဘယ်သူ့မှ မရှိတော့ဘူး၊ ဒါပေမဲ့ အလောင်းတော့ သယ်လာလို့မရလိုက်ဘူးပေါ့၊ တစ်ခြား မိုးမောက်မြို့ပေါ်တွေမှာတော့ ဘယ်လိုလဲမပြောတတ်ပေမဲ့ စီအင်မှာတော့ မရဘူး”လို့နောက်ထပ်ဒေသခံအမျိုးသားတစ်ဦးက ပြောပါတယ်။ ပြီးခဲ့တဲ့ မေလ ၈ ရက်ည ၉ နာရီ ဝန်းကျင် စီအင်ကျေးရွာအတွင်း လက်နက်ကြီးအဆက်မပြတ် ကျရောက်ခဲ့တဲ့အတွက် အမျိုးသားတစ်ယောက်သေဆုံးခဲ့ပြီးတော့ နောက်ထပ်အမျိုးသားတစ်ယောက် ဒဏ်ရာပြင်းထန်ရရှိခဲ့တာဖြစ်ပါတယ်။ ဒါ့အပြင် ဗန်းမော်မြို့ လီဆူစစ်ရှောင်စစ်ရှောင်စခန်းမှာ လာရောက်ခိုလှုံနေကြတဲ့ စီအင်ကျေးရွာဒေသခံတွေဟာ လက်နက်ပစ်သံတွေမကြာခဏကြားနေရတဲ့အတွက် ထပ်မံတိမ်းရှောင်သွားကြပြီဖြစ်တယ်လို့ စစ်ရှောင်ကူညီသူ အမျိုးသားတစ်ယောက်က ပြောပါတယ်။ “သူတို့က လေယာဉ်ကွင်းနဲ့ ကပ်တော့ ပစ်သံတွေ မခံနိုင်လောက်အောင်ပစ်နေကြတဲ့အတွက်  မံစီမြို့နယ် မံသာရွာဘက်ကို အများကြီးထွက်ပြေးသွားကြပြီ၊ လမ်းကြောင်းတွေ ကလည်းထပ်ပိတ်လိုက်တော့ ကျန်နေတဲ့ ၈၀ လောက် ဘယ်မှထွက်လို့မရဘူး ဖြစ်နေတယ်”လို့ပြောပါတယ်။ စစ်တပ်ဘက်က တိုက်ပွဲဖြစ်ပွားနေတဲ့ မိုးမောက်နဲ့ မံစီမြို့ဘက်ကို ဗန်းမောက်မြို့တွင်းတပ်က အမြှောက်လက်နက်ကြီးတွေနဲ့ နေ့ည မပြတ်တိုက်ဆက် စစ်ကူပစ်ခတ်ပေးနေတာ တစ်ပတ်ကျော် ကြာမြင့်လာပြီဖြစ်တယ်လို့ ဗန်းမော်ဒေသခံတွေက ပြောပါတယ်။ လက်ရှိမှာတော့ ဗန်းမော်မြို့တွင်းမှာလက်နက်ကြီးသံတွေ အဆက်မပြတ်ကြားနေရပြီး မြို့တွင်းတိုက်ပွဲဖြစ်လာမှာ စိုးရိမ်တဲ့အတွက်  ထပ်မံထွက်ပြေးတိမ်းရှောင်နေကြသူတွေလည်း ရှိနေတယ်လို့ သိရပါတယ်။  By – Bu Bu

Read More »

စီအင်ရွာလက်နက်ကြီးကျပေါက်ကွဲလို့ ဒေသခံအမျိုးသားတစ်ဦးသေဆုံးပြီး တစ်ဦး ကျည်ထိမှန်ဒဏ်ရာရရှိ

ဗန်းမော်ခရိုင် မိုးမောက်မြို့ စီအင်ကျေးရွာမှာလက်နက်ကြီးကျရောက်ပေါက်ကွဲလို့ ဒေသခံအမျိုးသားတစ်ဦးကျည်ထိမှန်သေဆုံးပြီး နောက်ထပ်အမျိုးသားတစ်ဦးဒဏ်ရာပြင်းထန်ရရှိခဲ့တယ်လို့ ဒေသခံတွေက ပြောပါတယ်။ မေလ ၇ ရက်နေ့ကစပြီး မိုးမောက်၊ မံစီ မြို့နယ်တွေမှာ ပြင်းထန်လာတဲ့တိုက်ပွဲကြောင့်  ဒေသခံပြည်သူအများပိုင်း ဗန်းမော်မြို့သို့ ထွက်ပြေးတိမ်းရှောင်ခဲ့ကြပေမယ့်  တစ်ချို့ အိမ်စောင့်အဖြစ်ကျန်နေခဲ့ကြရာ မေလ ၈ ရက်ညနေ ၉ နာရီဝန်းကျင် စီအင်ရွာဘက် လက်နက်ကြီးအဆက်မပြတ်ကျရောက်ပေါက်ကွဲခဲ့တာကြောင့် လူနေအိမ်ထိခိုက်ပျက်စီးတာအပြင် သေဆုံးတာတွေလည်းရှိခဲ့တယ်လို့ ဒေသခံအမျိုးသမီးတစ်ယောက်က ပြောပါတယ်။ “ကျွန်မတို့ အိမ်လည်းလောင်၊ ဆိုင်တွေလည်း လောင်သွားပြီ၊ ဘာမှမကျန်တော့ဘူး၊ ရွာမှာကျန်ခဲ့တဲ့သူတွေပြောတာ လက်နက်ကြီးတွေ ဒရုန်းတွေက မိုးရွာချသလို ကျတာတဲ့၊ လက်နက်ကြီးထိပြီးတော့ တစ်ယောက်ဆုံးပြီး တစ်ယောက်ကတော့ ဒဏ်ရာပြင်းထန်ရသွားတယ်”လို့ပြောပါတယ်။ ကျည်ထိမှန်သေဆုံးတဲ့သူကို ရွာမှာသဂြိုလ်ခဲ့ကြပြီး ဒဏ်ရာရရှိခဲ့တဲ့သူကိုတော့ မေလ ၉ ရက်နေ့ မနက် ၆ နာရီခန့်လောက်မှာ သွားခေါ်ထုတ်နိုင်ခဲ့တယ်လို့ သိရပါတယ်။ လက်ရှိမှာတော့ မိုးမောက်မြို့တွင်း ဒေသခံပြည်သူအားလုံးနီးပါး ထွက်လာခဲ့ကြပေမဲ့ အသက်ကြီးသူတစ်ချို့နဲ့မသန်စွမ်းတစ်ချို့ ကျန်နေခဲ့သေးတယ်လို့ သူက ဆက်ပြောပါတယ်။ “အခုထိရွာထဲမှာ ကျန်နေတဲ့သူတွေရှိတယ်၊ အသက်ကြီးပြီး သေမထူးနေမထူးဆိုပြီး နေခဲ့ကြတယ်၊ ခန့်မှန်းခြေ ကျွန်မတို့ရွာအပိုင်းမှာ ဆိုရင် ၆ ယောက်လောက်တော့ရှိမယ်ထင်တယ်”လို့ စီအင်ရွာကနေ ထွက်ပြေးလာတဲ့ ဒေသခံအမျိုးသားတစ်ယောက်က ပြောပါတယ်။ ဒ့ါအပြင် မေလ ၈ ရက်နေ့ မှာလည်း စီအင် ၅မိုင် ဂိတ်အနီး လက်နက်ကြီး ကျရောက်ပေါက်ကွဲခဲ့တဲ့အတွက် ညောင်ပင်အောက်မှာရှိနေတဲ့ နွား ၁၀ ကောင်ထက်မနည်း သေဆုံးသွားတဲ့အပြင် စီဟဲကျေးရွာမှာလည်း လက်နက်ကြီးကျရောာက်ပေါက်ကွဲတာရှိတယ်လို့ သိရပါတယ်။ ဒေသခံတွေရဲ့ ပြောပြချက်အရ မေလ ၇ ရက်နေ့ မြို့သစ်ဆေးရုံ၊ မံစီ ဆေးရုံတွင်း လက်နက်ကြီးကျရောက်ပေါက်ကွဲခဲ့တဲ့အတွက် သူနာပြုဆရာမတစ်ယောက် ပွဲချင်းပြီးသေဆုံးခဲ့ပြီး ဒဏ်ရာရရှိခဲ့သူတွေလည်း အများအပြားရှိခဲ့တယ်လို့ သိရပါတယ်။ ဗန်းမော်ခရိုင် မိုးမောက်နဲ့ မံစီမြို့မှာ မြို့တွင်းတိုက်ပွဲပြင်းထန်နေဆဲဖြစ်ပြီး KIA ပူးပေါင်းတပ်ဘက်က မြို့တွင်းနေရာတွေကိုထိန်းချုပ်ထားနိုင်ပြီဖြစ်ပေမယ့် စစ်တပ်စခန်းတစ်ချို့ကို သိမ်းပိုက်နိုင်ဖို့ ကျန်ရှိနေသေးတယ်လို့ သိရပါတယ်။ မိုးမောက်မြို့တွင်းတိုက်ပွဲမှာ ကချင်လွတ်လပ်ရေးတပ်မတော် KIA ပူးပေါင်းတပ်က မြို့တွင်းရပ်ကွက်ထဲနေရာယူတပ်ချထားတဲ့ စစ်ကောင်စီတပ်သားတွေကို မေလ ၈ ရက်နေ့ကတည်းက ရှင်းလင်းလိုက်နိုင်ခဲ့ပြီး လက်ရှိမှာ မြို့တွင်းတပ်ဖြစ်တဲ့ ခမရ ၄၃၇ တပ်ရင်းမှာ စစ်ကောင်စီတပ်သားတွေကျန်ရှိနေသေးတာကြောင့် တိုက်ပွဲဆက်ပြင်းထန်နေဆဲဖြစ်ပါတယ်။ By – Bu Bu

Read More »

မိုးမောက်မှာ စစ်ရေးတင်းမာနေဆဲဖြစ်ပြီး ဒေသခံပြည်သူများ ရွာလုံးကျွတ်ထွက်ပြေးတိမ်းရှောင်

စစ်ရေးတင်းမာနေတဲ့ မိုးမောက်မြို့မှာ လက်နက်ကြီးပစ်ခတ်တာဆက်တိုက်ရှိနေဆဲဖြစ်တာကြောင့် မြို့ခံပြည်သူတွေအပါအဝင် မြို့ပတ်ဝန်းကျင်မှာရှိတဲ့ ကျေးရွာနေပြည်သူအားလုံး ထွက်ပြေးတိမ်းရှောင် သွားကြပြီဖြစ်တယ်လို့ ဒေသခံတွေဆီကနေ သိရပါတယ်။ မိုးမောက်မြို့မှာ ကချင်လွတ်လပ်ရေးတပ်မတော် KIA၊ ကချင်ပြည်သူ့ကာကွယ်ရေးတပ် KPDF နဲ့ စစ်ကောင်စီတပ်တွေကြား ဧပြီလ ၂၃ ရက်နေ့ မနေ့က တိုက်ပွဲဖြစ်ပွားခဲ့တဲ့အပြင် လက်နက်ကြီးပစ်ခတ်တာ ရပ်တန့်တာမရှိသေးဘူးလို့ ခူးလီ၊ နန့်လိုင် ကျေးရွာဘက်က ဒေသခံတစ်ယောက် က KNG ကိုပြောပါတယ်။ “မနေ့ကဆို အဲ့ဒီ ၁၅…

Read More »

ဝူယန်ပြည်သူ့စစ်စခန်းက ပစ်လိုက်တဲ့လက်နက်ကြီး လမြန်ရွာထဲကျရောက်ပေါက်ကွဲ

ကချင်ပြည်နယ် ဝိုင်းမော်မြို့နယ် ဝူယန်ကျေးရွာမှာအထိုင်ချထားတဲ့ပြည်သူ့စစ်စခန်းကနေ ပစ်လိုက်တဲ့လက်နက်ကြီး လမြန်ကျေးရွာထဲကျရောက်ပေါက်ကွဲခဲ့တဲ့တွက် နေအိမ်တစ်ချို့ထိမှန်ထားတဲ့အပြင် ဒေသခံပြည်သူတစ်ဦးရဲ့ဝက်တွေလည်းကျည်ထိမှန်သေဆုံးခဲ့တယ်လို့ ဒေသခံတွေကပြောပါတယ်။ ဧပြီလ ၅ ရက်နေ့ မနေ့ညနေ ၆ နာရီဝန်းကျင် ကချင်လွတ်လပ်ရေးတပ်မတော် KIA နဲ့ ကချင်ပြည်သူ့ကာကွယ်ရေးတပ် KPDF အဖွဲ့…

Read More »

ဖားကန့်မှာ လက်နက်ကြီးကျရောက်ပေါက်ကွဲလို့ အမျိုးသမီးတစ်ဦးသေဆုံးပြီး ၇ ဦးဒဏ်ရာပြင်းထန်

ကချင်ပြည်နယ် ဖားကန့်မြို့ နယ် မော်မောင်းလယန်ကျေးရွာထဲမှာ လက်နက်ကြီးကျရောက်ပေါက်ကွဲလို့ အမျိူးသမီးတစ်ဦးသေဆုံးပြီး  နောက်ထပ် ၇ ဦးထိခိုက်ဒဏ်ရာပြင်းထန်စွာရရှိထားတယ်လို့ ဒေသခံတွေကပြောပါတယ်။ မတ်လ ၃၁ ရက်နေ့ မနေ့မနက်ပိုင်း ၁၁ နာရီဝန်းကျင်မှာ အေးမြသာယာအုပ်စု မော်မောင်းလယန်ကျေးရွာထဲက နတ်ကြီးစင်ကုန်းမှာ နတ်ကနားပွဲကျင်းပနေချိန်…

Read More »

ကွတ်ခိုင်မှာ မြေမြှုပ်မိုင်းနဲ့တိုက်ပွဲကျန်လက်နက်ကြီးတွေကြောင့် အရပ်သားထိခိုက်သေဆုံးမှုတွေမြင့်တက်နေ

ရှမ်းပြည်နယ်မြောက်ပိုင်း ကွတ်ခိုင်မြို့နယ်မှာ တိုက်ပွဲကျန်လက်နက်ကြီးတွေနဲ့ မြေမြုပ်မိုင်းကြောင့် အရပ်သားထိခိုက်သေဆုံးတာတွေဆက်တိုက်မြင့်တက်နေတယ်လို့ ဒေသခံတွေနဲ့ ပရဟိတအဖွဲ့တွေ ဆီကနေသိရပါတယ်။ ပြီးခဲ့တဲ့ မတ်လ ၁၂ ရက်နေ့ကနေ ဒီကနေ့အထိကို မိုင်းနင်းမိတဲ့အရေအတွက်ဟာ ပိုပြီးမြှင့်တက်လာ နေပြီးတော့ နှစ်ပတ်အတွင်းသေဆုံးသူက ၂ ယောက်ရှိခဲ့ပြီး ဒဏ်ရာရရှိသူက…

Read More »

မိုးမောက်မှာလက်နက်ကြီး မကြာခဏကျရောက်ပေါက်ကွဲလို့ ဒေသခံများလုံခြုံရေးစိုးရိမ်နေရ

ဗန်းမော်ခရိုင် မိုးမောက်မြို့မှာ လက်နက်ကြီးမကြာခဏကျရောက်ပေါက်ကွဲနေတာကြောင့် ဒေသခံတွေလုံခြုံရေးစိုးရိမ်နေကြရတယ်လို့ သိရပါတယ်။ လက်ရှိ မိုးမောက်မြို့ထဲ ဒါဆိုင်းကျေးရွာအနီးမှာရှိတဲ့ ခလရ (၂၃၇) တပ်စခန်းကို KIA ဘက်က မနေ့ညမှာ သိမ်းပိုက်ထားပြီဖြစ်ပေမယ့် စစ်တပ်ဘက်ကလေကြောင်းနဲ့ဗုံးကျဲတိုက်ခိုက်နေတာကြောင့် လုံခြုံရေးစိုးရိမ်နေရတာဖြစ်တယ်လို့ သိရပါတယ်။ ဒါ့အပြင် ဒါဆိုင်းစခန်းမသိမ်းမီ  မတ်လ ၁၂ ရက်နေ့ စစ်တပ်ဘက်ကလက်နက်ကြီးပစ်ခတ်ခဲ့လို့ မိုးမိတ်စစ်ရှောင်စခန်းက လူငယ်တစ်ဦးနဲ့ အမှုဆောင်ဆရာတစ်ပါး ထိခိုက်ဒဏ်ရာရ ရှိခဲ့တဲ့အပြင် နေအိမ်တစ်လုံးပေါ် လည်းကျရောက်ပေါက်ကွဲတာတွေလည်း ရှိတယ်လို့ မိုးမောက်မြို့ဒေသခံအမျိုးသား တစ်ယောက်က KNG ကိုပြောပါတယ်။ “စစ်ရှာင်စခန်းထဲကျတာတော့မဟုတ်ဘူး၊ အနီးအနားမှာကျတာပေါ့၊ အဲ့တာ စစ်ရှောင်စခန်းက လူငယ်တစ်ယောက်ထိပြီး အခုဆေးရုံတင်ထားရတယ်၊ ပြီးတော့ မနေ့တနေ့ကကျတော့ အမှုတော်ဆောင်ဆရာတစ်ယောက် လက်မောင်းမှာထိသွားတယ်၊ မနေ့ညကကျတော့ နေအိမ်တစ်ခုမှာ ကျတာ ပေါ့၊ ကျည်တွေက နေရာတကာမှာအရမ်းကျတယ်၊ လမ်းပေါ်မှာတွေရော”လို့ပြောပါတယ်။ ဒါ့အပြင် လူမနေတော့တဲ့ RC စစ်ရှောင်စခန်းမှာလည်း လက်နက်တွေ မကြာခဏ ကျရောက်တာမျိုးတွေရှိပြီး မူကြိုကျောင်းမှာလည်း လက်နက်ကျတာတွေရှိပေမဲ့ ကျောင်းပိတ်တဲ့အချိန်ဖြစ်တာကြောင့် ထိခိုက်မှုတော့မရှိခဲ့ဘူးလို့ ဆိုပါတယ်။ အခုလို လက်နက်ကြီး၊ လက်နက်ငယ်တွေ ကျရောက်ပေါက်ကွဲနေတဲ့အပြင် တစ်ဖက်မှာ လုံခြုံရေးအရ စျေးဆိုင်တွေလည်းဖွင့်လှစ်ရောင်းချတာတွေမရှိတော့တဲ့အတွက် စားဖို့သောက်ဖို့အတွက်လည်း ခက်ခဲမှုတွေရှိလာတယ်လို့ မိုးမိတ် KBC စစ်ရှောင်စခန်းက အမျိုးသမီးတစ်ယောက်က KNG ကိုပြောပါတယ်။ “အခုက အဲ့လိုလက်နက်သံတွေကြားနေရတော့ အပြင်ထွက်ဝယ်ဖို့ကလည်း ကြောက်ရတယ်၊ ရောင်းတဲ့သူတွေကလည်း ကြောက်လို့ ဆိုင်မဖွင့်တော့တဲ့သူတွေရှိတော့ ကျွန်မတို့က စားဖို့သောက်ဖို့ကို လည်းစိုးရိမ်နေရတာပေါ့၊ သေနတ်သံ၊ လက်နက်သံတွေကြားပြီးဆိုရင်လည်း ကလေးတွေအတွက်က စိုးရိမ်ရနဲ့ တစ်ခါကြားရင် တစ်ခါကြောက်ရနဲ့ ဘယ်အချိန်မှာဘယ်လိုကျလာမလဲဆိုတာကိုဘဲ စောင့်ပြီးစိုးရိမ်နေကြရတာပေါ့”လို့ပြောပါတယ်။ မိုးမောက်မြို့တွင်း ဒေသခံပြည်သူတွေကို လမ်းတွေမှာ ဖမ်းဆီးစစ်ဆေးတာ၊ ဖမ်းဆီခေါ်ဆောင်တာမျိုးမရှိပေမဲ့ လက်နက်ကြီး လက်နက်ငယ်သံတွေမကြာခဏ ကျရောက်နေတဲ့အတွက် ဒေသခံတွေအနေနဲ့ သွားလာရေးအခက်အခဲကြုံနေရတာလည်းဖြစ်ပါတယ်။ ဒါ့အပြင် မိုးမောက်မြို့တွင်း လက်နက်ကြီး၊ လက်နက်ငယ် ၁၀ ကြိမ်မနည်း ကျရောက်ပေါက်ကွဲခဲ့ပြီး လက်ရှိချိန်ထိလည်း လက်နက်တွေ ကျရောက်နေပေမဲ့  လက်နက်ထိသေဆုံးတာမျိုးတော့မရှိသေးဘူးလို့ သိရပါတယ်။ မိုးမောက်မြို့နယ်ဟာ ဗန်းမော်ခရိုင်ထဲမှာပါဝင်ပြီး အထိုင်တပ်စခန်းဖြစ်တဲ့ ခလရ ၂၃၇ ဒါဆိုင်းတပ်စခန်းကိုတော့ KIA ပူးပေါင်းတပ်တွေကတိုက်ခိုက်သိမ်းပိုက်ပြီး နယ်မြေရှင်းလင်းရေးဆောင်ရွက်နေချိန်လည်း ဖြစ်ပါတယ်။ By – Bu Bu

Read More »

ဗန်းမော်လက်မလွတ်ရေး စစ်တပ်က အစွမ်းကုန်ပြင်ဆင်နေ

ပစ်သတ်ခံရသူတွေကို ဘယ်သူဘယ်ဝါဖြစ်တယ်ဆိုတာ သိရှိခွင့်မပေးဘဲ မှောက်လျှက်အနေထားနဲ့ထားရှိပြီး အလောင်းသယ်ယူတဲ့ နာရေးကူညီမှုအသင်းတွေကိုလည်း မှတ်တမ်းဓါတ်ပုံရိုက်ယူခွင့်မပြု မှောက်လျှက်အနေထားနဲ့သာသယ်ဆောင်ဖို့ ခန်ဝံကတိရေးထိုးခိုင်းစေတယ်လို့ ဆိုပါတယ်။

Read More »