,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

ထီးချိုင့်ဘက်မှထွက်လာသည့် စစ်ကောင်စီစစ်ကြောင်း တိုက်ခိုက်ခံရပြီး ထိခိုက်သေဆုံးမှုရှိဟုဆို

ထီးချိုင့်မြို့အဝင်ဆိုင်းဘုတ်

စစ်ကိုင်း ကသာခရိုင် ထီးချိုင့်မြို့နယ် ဘက်မှထွက်လာသော စစ်ကောင်စီစစ်ကြောင်းကို အင်းတော်မြို့နယ်အစပ်တွင် KIA နှင့် PDF အဖွဲ့က စောင့်ကြိုတိုက်ခိုက်ခဲ့မှုကြောင့် စစ်ကောင်စီဘက် ထိခိုက်မှုများပြီး ၅ ဦးထက်မနည်း သေဆုံးမှုရှိခဲ့ကြောင်း ထီးချိုင့်ပြည်သူ့ကာကွယ်ရေးတပ်မှ သိရသည်။

ဇူလိုင် ၂၆ရက်နေ့ ထီးချိုင့်မှအင်းတော်နယ်သို့ စစ်အင်အား ၇၀ကျော်ခန့်အပါ ခြေလျင်ဖြင့်ချီတက်လာသည့် စစ်ကောင်စီ စစ်ကြောင်းကို ကချင်လွတ်လပ်ရေးတပ် မတော် KIA နှင့် ထီးချိုင့်ပြည်သူ့ကာ ကွယ်ရေးတပ် ၊ဒေသကာကွယ်ရေးအဖွဲ့များက ထီးချိုင့်နှင့်အင်းတော် နယ်စပ်ကြား တောတစ်နေရာတွင် နေ့လယ် ၁ နာရီခွဲအချိန်ခန့်ဝန်းကျင် ခြုံခိုတိုက်ခိုက်ခဲ့ရာ စစ်ကောင်စီဘက်မှ ငါးဦးထက်မနည်းသေဆုံးပြီး ဒဏ်ရာရသူအများအပြားရှိခဲ့​ကြောင်း ထီးချိုင့် PDF မှ တာဝန်ရှိသူတစ်ဦးက KNG ကို​ပြောသည်။

“သူတို့က အင်းတော်ကျောင်းကုန်းလမ်း ဘက်ကိုခြေလျင်နဲ့တက်လာတာ အဲ့တာကို သတင်းရလို့စောင့်ကြိုပြီးတိုက်ခိုက်ခဲ့တယ်။ အဲ့နေရာမှာ အပြန်အလှန်ပစ်ခတ်ကြတာတစ်နာရီလောက်ကြာတယ်။ သူတို့ဘက်ကတော့လက်နက်ကြီးတွေကောရမ်းသမ်းပစ်တယ်။ စစ်ကောင်စီဘက်က ငါးယောက်လောက်ကျတာတော့မြင်ခဲ့ရတယ်။ အဲ့ထက်လည်းများနိုင်တယ်။ ပြီးရင် ဒဏ်ရာရလည်း ဆယ်ယောက်လောက်ရှိတယ် မိုင်းထိတာကောပေါ့”ဟုပြောဆိုသည်။

စစ်ကောင်စီဘက်မှ တိုက်ပွဲတွင် ကျဆုံးသွားသည့် သေဆုံးသူများ၏ ရုပ်အလောင်းများကို တိုက်ပွဲဖြစ်ပွားခဲ့သော အနီးတစ်ဝိုက်တောတွင်းမြှပ်နှံသွားပြီး ယင်းစစ်ကြောင်းလည်း ဒဏ်ရာရရှိသူများကို အင်းတော်ဘက်သို့ ဆက်မတက်ဘဲ ထီးချိုင့်ဘက်သို့ ပြန်လည်သယ်ဆောင်သွားကြောင်းသိရသည်။

အဆိုပါ တိုက်ခိုက်ခံရသော စစ်ကောင်စီ စစ်ကြောင်းသည် အင်းတော်မြို့နယ်အတွင်းသို့ စစ်အင်အား ဖြည့်တင်းရန် တက်လာသည့် အဖွဲ့ဖြစ်ပြီး စစ်ကောင်စီတပ်သည် အင်းတော်မြို့နယ်အတွင်း လတ်တလော စစ်ကြောင်း ၃ခုဖြင့် စစ်ရေးလှုပ်ရှားမှု လုပ်ဆောင်နေကြောင်းသိရသည်။

Read Previous

ဆယ်ဇင်းတွင် စစ်ကောင်စီ ဖမ်းထားသည့် ပြည်သူ ၅ ဦးအနက် လူငယ်နှစ်ဦး ပြန်မလွတ်သေး

Read Next

KIA လက်နက်ကြီးကြောင့် ကလေးငယ်တစ်ဦး သေဆုံးခဲ့သည် ဆိုသော သတင်းအမှား ထပ်မံ ပျံနှံနေ